Қазақстандық жұлдыздар жаңа эстафета бастап, аула сыпырудан жарысып жатыр
Қазақстандық жұлдыздар мен танымал адамдар “Таза аула” атты науқанға атсалысып, өзара бұрын-соңды болмаған эстафета бастады.
Бұл туралы Stan.kz хабарлайды.
Шілденің 23-і күні қазақстандық жұлдыздар арасында “Таза аула” атты жаңа эстафета басталды. Аталған эстафетаны “Аll давай” тобының әншісі Шоқан Маратұлы бастады. Ол әлеуметтік желідегі парақшасына дәлел ретінде сол күні түсірілген видеоны жүктеді. Мұнымен қатар, эстафетаға жұлдыздар ғана емес, өзге де танымал адамдар қатысатынын айтып өтті. Артынша эстафетаны “THS GROUP” құрылыс холдингінің иесі Құдайберген Қайратқа табыстады.
“Бүгін біз Медеу әкімшілігімен бірге “Таза аула” атты науқан бастадық. Бұл эстафетаны енді Құдайберген Қайратқа жолдаймыз. Медеу ауданының ауласын тазартып, оны ретке келтіріп жатқан кез келген тұрғынға ерекше ілтипатымызды білдіреміз”, – дейді Шоқан Маратұлы.
Әншілердің қоғамдық жұмыстарға араласып жатқандарына желі қолданушылары қуанып қалды. Олар эстафетаның ұзақ уақыт бойы жалғасын тауып, үзілмеуін тіледі. Ал Құдайберген Қайрат өз кезегінде “Мен жекпе-жекке шығатын болдым” деп жазып, эстафетаны қабыл алғанын жеткізді.
Ал бұл эстафетаның қаншалықты ауқымды болатыны және жұлдыздардың қандай дәрежеде атсалысатыны әзірге белгісіз. Себебі, әзірге науқан Медеу ауданы аумағында жүргізіліп жатыр.
Жіберіп алмаңыз:
Қазақстандық жұлдыздар Алматыдағы атыста қаза болғандардың отбасына көңіл айтты
Қазақстандық жұлдыздар продюсер Әбдрайымовтың жаңа мейрамханасына айттап барды
Қазақстандық жұлдыздар: Кімнің жасы үлкен?