Қазақстандағы ең қымбат және ең арзан аймақтар анықталды
Қазақстанда орта есеппен ең төменгі күнкөріс деңгейі қыркүйек айында 23 191 теңгені құраған.
Фото: omskmintrud.ru
Бұл туралы Ranking.kz есептеп шыққан.
Олардың ақпаратына сәйкес, ай сайынғы шығынның басым бөлігі ет және балық өнімдеріне кетеді екен. Бұл 19,6 пайыз. Одан кейін сүт өнімдері 16 пайызды құрап тұр.
Қазақстандық орта есеппен жылына 74 келіге жуық ет пен ет өнімдерін тұтынады. Тиісінше сүт өнімдерін тұтыну көрсеткіші жылына 234 келіге жеткен.
“Ең төменгі күнкөрістің ең жоғарғы деңгейі – 28 785 теңге Маңғыстау облысында. Одан кейін Астана мен Алматы қалалары 27 435 және 25 858 теңге”, – дейді сарапшылар. Олардың сөзінше орта деңгей Шығыс Қазақстан облысы, Атырау, Алматы облыстарында (23 422 теңге) бой көрсеткен.
Ал ең төменгі деңгей бойынша Жамбыл облысын айта кету керек. Бұл өңірдегі көрсеткіш 20 581 теңгеге тең.
Оқи отырыңыз:
Қазақстандықтар 2017 жылдан бастап қанша зейнетақы алады