Қазақстанда жаңа «Алиментщики LIVE» атты сериал көрсетіледі
Қазақстанда 2 ақпаннан бастап жаңа отандық сериал «Алиментщики LIVE» тұсауын кеспек. Фильмді «АБК Production» ҚР инвестициялар және даму министрлігі байланыс және ақпарат комитетінің қолдауымен түсірілді.
Бұл туралы ҚазАқпарат хабарлайды.
Бұл телевизиялық әлеуметтік сериал Қазақстан Республикасының заңдарын өрескел бұзып, балаларының жарқын болашағы алдындағы қоғамдық, ата-аналық жауапкершілігін сезінбейтін адамдардың санасын көтеруге бағытталады. Тек Астана қаласының өзінде 18 000 ажырасу фактісі тіркелсе, 4 000-нан астам әке алимент төлеуден жалтарып жүр.
Әр серияда әртүрлі оқиға қамтылған. Дәл осы ата-ана жауапкершілігі мәселесіне сан қырынан үңіліп, әлеуметтік проблемаларды, жас отбасылардың өмірін, отбасындағы әйел мен еркектің рөлін айқын көрсетеді. Сондай-ақ картинада қоғамдағы толеранттылық мәселесі, ұлтаралық жағдайлар да баян етіледі.
Жобаны «31 арна» қолдап отыр. 2016 жылдың 2 ақпанынан бастап аталмыш арнадан әр күн сайын таңғы 10.30 да көре аласыздар.