Қазақстан биыл отандық паромның құрылысын бастайды
Көлік министрлігінің 2030 жылға дейінгі көліктік-логистикалық әлеуетті дамыту тұжырымдамасын іске асыру аясында атқарылған жұмыстар туралы есебінде отандық паромның құрылысы іске қосылатыны мәлім болды. Бұл туралы Stan.kz ақпарат агенттігі report.az сайтын сілтеме жасап хабарлайды.
Фото: report.az
"Сауда флотын дамыту шеңберінде 2024 жылы алғашқы қазақстандық паромның құрылысы басталады. Барлығы 10-ға жуық жаңа кеме, соның ішінде 4 әмбебап паром, 3 құрғақ жүк кемесі және 3 танкер құрастырылады", –делінген құжатта.
Ведомство "жөнелту немесе төлеу" немесе "офтейк" келісімшарттары аясында "Қазтеңізкөлікфлоты" (Қазмұнайгаздың еншілес кәсіпорны) және International Maritime Investments Ltd (ADP еншілес кәсіпорны) құрған "Caspian Integrated Maritime Solutions Ltd" бірлескен кәсіпорны екенін еске салды.
2023 жылы қазақстандық мұнайды Баку портына жеткізу үшін әрқайсысының дедвейті 8 мың тонна болатын 2 мұнай танкері сатып алынды.
"Ақтау-Баку" желісі бойынша мұнай тасымалдау көлемін ұлғайту кезінде әрқайсының дедвейті 12 мың тонна болатын 3 танкер салу жоспарланып отыр", – делінген министрлік хабарламасында.
Сонымен қатар көлік министрлігі кеме құрылысына қажеттілікті ескере отырып, Каспий жағалауында жеке кеме жасау зауытын салу жобасын жүзеге асыру жоспарланып отырғанын хабарлады.
Айта кетейік, 2023 жылдың 2 желтоқсанында Дубайда (БАӘ) "ҚазМұнайГаз" компаниясы мен AD Ports Group ниеті туралы келісімге қол қойып, ол бойынша бірлескен жұмыс тобын құруға және Қазақстандағы Каспий теңізінің жағалауындағы кеме жөндеу және кеме жасауға келісті.