Қазақ жігіті жынысын ауыстырғысы келетінін ел алдында ашық айтты (видео)
Қазақ жігіті ұзақ уақыттан бері жасырып келген сырын жайып салды. Ол жынысын ауыстырып, әйел болғысы келетінін айтты.
Бұл туралы “Өз ойым” бағдарламасына айтылды.
Жігіттің өзінің айтуынша, ол бала кезінен өзін қыз ретінде сезінген. Бірақ өмірге ұл болып келген. Бірінші сынып оқып жүрген кезден бастап өзін іштей қыз санай бастапты. 20 жасқа толғанда ата-анасына осы сезімі жайлы айтқан. Алайда ата-анасы бұл әңгімеден шошып, бірден бас тартқан.
“Өзімді ешқашан ұл деп сезінбегем. Ешкімге де айта алмадым. Ата-анама түсіндіргеніммен, мені қыз ретінде қабылдай алмады”, – дейді бүгінде әйел болып киінген жігіт.
Ол бет-жүзін жасырмай ел алдына шықты.
Психологтің “Әкеңіз сізді осылай қабылдай алды ма?” деген сұрағына жауап бере алмай, жылап қалды.
Психолог маман кейіпкердің әрекеті қызға ұқсамайтынын, тіпті даусының өзі жігітке тән екенін айтып өтті.
“Бұл жігіттің осындай жағдайға келуіне ішкі сезімінің әсері болған. Мұны дәрігерлер психикалық ауытқу деп атайды”, – дейді маман.
Stan.kz сайтын Telegram арқылы оқыңыз. Арнамызға жазылыңыз.