Қараша айында минус 30 градус аяз болады

Дүйсенбі, 16 Қазан , 2017 22:36

Қыстың ызғары қарашаның соңында сезіледі. Ұзақ мерзімді болжамдарға сәйкес, Қазақстанда қыс ерте әрі қарлы болады деген болжам бар.

Бұл туралы баспасөз мәслихатында «Қазгидромет» РМК ауа райының ұзақмерзімді болжамдар басқармасының басшысы Гүлмира Ақышева мәлім етті.

«Қараша жауын-шашынды әрі желді, сондай-ақ таңғы және түнгі сағаттарда тұман басып, көктайғақ болады деп күтілуде. Айдың орта кезінде елдің солтүстігі, шығысы және орталығында қар жауып, боран соғады. Қараша  айында суытудың үш толқыны байқалады», – деп тоқталды Ақышева Орталық коммуникациялар қызметінде.

Ұзақ мерзімді болжамдарға сәйкес, Қазақстанда қыс ерте әрі қарлы болады деген болжам бар. Еліміздің солтүстік, орталық, шығыс аймақтарында тұрақты қар қарашаның  ортасында түссе, оңтүстік және батыс аймақтарда желтоқсанның екінші жартысында қар жататын болады. «Қыстың ызғарын қарашаның соңында сезіне бастаймыз. Ол кезде еліміздің солтүстік, орталық және шығыс өңірлерінде ауа температурасы түнде минус 30 градусқа дейін, ал күндіз -15-ке дейін төмендейді. Қазақстанның оңтүстік жартысында түнде минус 15-ке дейін, ол күндіз минус 5 дейін суытады», – деді басқарма басшысы. Синоптиктердің ұзақ мерзімді болжамына сәйкес, желтоқсанда арктикалық теңіз аудандарынан суық ауа массасының жиі енуінен республиканың шығыс жартысында суық және қарлы, ал батыс жартысында жылы ауа массасының шығуынан, жылы (нормадан 1°С жоғары) және қары аз ауа-райы күтілуде. Бұдан бөлек, 2018 жылғы қаңтар Азиялық антициклонының ықпалынан аз қарлы және суық болады. Елдің көп бөлігінде температуралық фон көпжылдық орташа мәннен 1…2°С төмен болады деп болжанады.

Тек біздің республиканың батыс және шеткі оңтүстік аймақтарында температуралық фон нормаға жуық болады деп күтілуде. Ай ішіндегі қар мөлшері батыста, оңтүстіктің, оңтүстік-шығыс пен шығыстың таулы және тау бөктері аудандарында нормаға жуық күтіледі. «Ақпанда мол қар жауып, қатты жел мен боран соғады. Осы ретте еліміздің солтүстік-батыс жартысында ультраполярлық суық ауа массаларының енуімен бірқалыпты аязды, ауа температурасы климаттық нормадан 1…2°С төмен ауа-райы күтілуде, ал оңтүстік-шығыс жартысында оңтүстік циклондардың жиі шығуымен температуралық фон климаттық нормаға жуық болады деп күтілуде»,-дейді ол. Күнтізбелік көктемнің басталуы құбылмалы болады: нағыз қысқы жиі жауын-шашынды, қатты желді күндер көктемгі жылы және ашық күндермен алмасып тұратын болады.

Ауаның орташа температурасы наурызда нормадан 1°С жоғары оңтүстік-батыста және елдің оңтүстігінде бақалады, қалған аумақта климаттық нормаға сәйкес жуық болады. Жауын-шашын мөлшері батыста, солтүстікте, шығыс пен оңтүстік-шығыстың таулы және тау бөктері аудандарында нормадан жоғары, қалған аймақтарда нормаға жуық болады деп болжанады.

Тағы да оқыңыз:

Елімізде күдіктінің кінәсін дәлелдей алмаған тергеушілер айыппұл төлеуі мүмкін

Қазақстандықтарға телефонының тыңдалымға қойылғандығы жөнінде қашан айтылады

Ақтөбеде футбол жанкүйерлері атыраулық жігітті сабап тастады

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
21.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар