Қарағанды облысының шалғай аудандарында бензин тіпті 195 теңгеден сатылып жатыр екен. Бұл көріністерді Қарағандыдан 360 шақырым жердегі Қаражал қаласының тұрғыны видеоға түсіріп, әлеуметтік желіге салыпты. Бекет иелері жанармайдың көтерме бағасының қымбат болғанын және оны тасымалдаудың да арзан еместігін айтып ақталған.

Ал Петропавлда отандық жанармай сататын бекеттер бағаны сенбі күні көтере бастаған. Қазір АИ 92 маркалы бензиннің литрі 161 теңгеден сатылып жатыр. Ресейлік бензиннің бағасы одан да қымбат, литрі 162 теңге. Қызылжарға келетін жанармайдың 70 пайызы Уфа қаласындағы мұнай зауытынан әкелінеді екен. Оның өңірдегі қоры бітіп қалған. Ал жаңа келісім-шарттарды ресейліктер жаңа көтерме баға бойынша жасапты. Оған Ресей рублі бағамының да қымбаттығы әсер еткен көрінеді.

“Қымбаттаған үстіне қымбаттап жатыр. Баға бұлай көтеріле беретін болса, машинаны гаражга қойып жаяу жүруге тура келеді. Жүріп тұрудың өзі қиынға соғып барады, күннен күнге. Қыста көп жұмсалады, қыздыруға кетеді”, – дейді көлік жүргізушісі Серік Ғалиев.

Жіберіп алмаңыз:

Той кортежі кезінде 3 адамды мерт қылғаны үшін «Гелендваген» жүргізушісі сотталды

Талдықорғанда бала-бақша қызметкерлері мекемені әлдекімдердің дуалап тастағанын айтып даурықты

Қытайлық әйелдің мұрнына тіс өсіп кеткен

Атырау соты жүкті әйелін перзентханаға жеткізу үшін ереже бұзған жүргізушіні ақтап шықты

Талқылау