Қанат Исламды құрмет тұтатын отбасы оған ат мінгізді

Қазақстандық кәсіпқой боксшы Қанат Исламды алматылық отбасы арнайы қонақ етіп, ат мінгізді. Қанат Ерік пен Айгүлдің шаңырағындағы қуаныш Бейбарыстың тілашар тойына тура келді. Бұл туралы qamshy.kz  сайты хабарлайды.

Жас өренге батасын берген боксшы естелікке өзінің былғары қолғабын табыс етті.

Боксшының спорттағы жетістіктеріне ризашылығын білдірген отағасы оған ат мінгізіп, шапан жапты.

Ерік пен Айгүлдің қуанышына жайылған дастарханда сондай-ақ, қазақстандық кәсіпқой спортшылар Ардақ Назаров пен Қуат Хамит те арнайы қонақ болды.