Қанат Ислам мен Геннадий Головкин жекпе-жекке шыға ма
Қазақстандық боксшы Қанат Ислам кезекті жекпе-жегіне дайындалып жатыр. ESNews телеарнасының тілшісі Эли Секбах қазақ спортшысының дайындық жаттығуына қатысып, онымен сұхбаттасып қайтты.
Бұл туралы Sports.kz-ке сілтеп Stan.kz ақпараттық агенттігі хабарлайды.
— Қанат, 25 жекпе-жек өткізіп, бірде-бір рет жеңілмепсің. Жақсы рекорд.
— Маған біреуді тауып беріңіздерші, өтініш (күліп)
— Джермелл Чарломен жұдырықтасар ма едің? «Канеломен» ше?
— Иә, қуана-қуана.
— Ал GGG-мен ше?
— Ол 160 фунтта ғой.
— Жақында тағы бір кездесуің бар екен?
— Иә.
Айта кетейік, Қанат Ислам соңғы рет рингке Астанада өткен жылдың қыркүйегінде шықты. Ол кезде Қанат канадалық былғары қолғап шебері Брэндон Кукты техникалық нокаутпен жеңді. Қанаттың келесі кездесуі Лас-Вегаста өтеді. Алайда жекпе-жектің өтетін күні мен Қанаттың қарсыласы әзірге белгісіз.
Оқи отырыңыз:
Данияр Елеусінов кәсіби бокста кіммен жекпе-жек өткізеді
КВН ойыншысы Астанадағы мұз айдыны сарайына басшы болды
Шешенстанда қазақ балуаны қарсыласын 30 секунд ішінде нокаутқа жіберді (видео)