«Пакьяоның командасы дайын болса, QAZAQ командасы дайын. 22 наурыз Алматы қаласы Almaty Arena спорт кешенінде бокс жанкүйерлері үшін үлкен шоу жасауға біз сақадай саймыз. Пакменнің командасы келіссе болды», – деп жазады спортшының PR менеджері.

Айта кетейік, Қанат Ислам соңғы кездесуін 9 қыркүйек күні елордамыз Астана қаласында өткізіп, канадалық Брэндон Кукты тоғызыншы раундта техникалық нокаутпен жеңді. Осылайша отандасымыз WBO NABO және WBA Inter-Continental белбеулерін қорғап қалған еді. Ал филиппиндік боксшы соңғы рет 2 шілде күні Австралияда жекпе-жек өткізіп, Джеф Хорннан жеңілген еді.

Қанат Ислам мен Мэнни Пакьяоның командасы жекпе-жек туралы келісімге келсе, отандасымыз филиппиндік боксшымен жұдырықтасқан екінші қазақ болады. Мэннимен алғаш жұдырықтасқан қазақ боксшысы – Серік Ешмағамбетов.

Серікжан Ешмағамбетов пен Мэнни Пакьяо 2003 жылдың наурыз айында жұдырықтасқан. Қазақстандық боксшы бүгінде әлем таныған филиппиндік боксшының кәсіпқой рингтегі жетінші қарсыласы болған екен. Филиппин астанасы Маниланың көне аудандарының бірі Интрамуроста өткен жекпе-жек бес раундқа дейін созылып, Мэннидің мерейі үстем болған. Десе де Серікжан Ешмағамбетов те қарсыласына оңайлықпен жеңілмей, бір рет сұлатып та түсірген.

Жіберіп алмаңыз:

Футбол тарихындағы ең күлкілі пенальти (видео)

Индонезиялық футболшының жылдамдығы желі қолданушыларын таңғалдырды (видео)

Париждегі қазақ бишісі өнерімен Франция жұртын тәнті етіп жүр (фото)

Семіз әйелдерді сұлу әрі байлық статусы санайтын 10 ел (фото)

Талқылау