Ыстамбұл орталығында жарылыс болып, 6 адам көз жұмды (видео)
Түркияның Ыстамбұл қаласында жарылыс болып, 6 адам көз жұмды. Тағы 81 адам түрлі жарақат алған. Кейін ел билігі жарылысқа қатысы болуы мүмкін әйелді тұтқындады, деп хабарлайды Stan.kz ақпарат агенттігі.
Жарылыс 16:20 шамасында қаладағы туристік орталық болып саналатын Истикляль көшесінде болған. Қайғылы оқиғадан соң полицейлер аймақты қоршап, ешкімді өткізбеген.
Кейін Түркия президенті Реджеп Тайып Ердоған жарылыс салдарынан көз жұмғандар саны 6 адамға, ал зардап шеккендер 81 адамға жеткенін мәлімдеді.
Көп ұзамай Түркия Ішкі істер министрі Ыстамбұлдағы жарылысқа қатысы бар деген күдікпен әйелдің ұсталғанын хабарлаған. Журналистердің сөзінше, әйел жарылғыш заты бар пакетті туристік орталыққа тастап кеткен.
Зардап шеккендер мен көз жұмғандар арасында шетел азаматтарының бар-жоғы анықталып жатыр. Ыстамбұлдағы Қазақстанның бас елшілігі елдің құзырлы органдарымен байланыста екенін мәлімдеді.
Талқылау
Маңғыстауда тұрғындардың үйлерін, көшелерін қоңыз басты: Аумақтық инспекция жәндіктермен күресті халықтың өзіне қалдырды (видео)
Алайда тиісті органдар қоңыздармен тұрғындардың өзі күресуі керек екенін айтты
Биыл жазда шетелде демалу құны қанша? Вьетнам арзандап, ал Түркия қымбаттаған
Вьетнамға рейстер саны 3 есе артты