Футболдан Қазақстан құрамасы азулы Польша құрамасымен тең түсті (видео)
Футболдан Қазақстан құрамасы “Астана-Аренада” Польша құрамасына қарсы кездесу өткізіп, 2:2 есебімен тең түсті.
Алғашқы таймның қорытындысы бойынша Талғат Байсуфиновтың шәкірттері қонақтардан 2:0 есебімен ұтылып жатқан болатын. Тоғызыншы минутта Бартош Капустка гол соқса, 35-ші минутта Роберт Левандовски пенальтиді сәтті орындады.
Ал ойынның екінші таймында Қазақстан құрамасы ерекше мінез көрсетті. Ойынның 51-ші және 59-шы минуттарында шабуылшы Сергей Хижниченко дубль жасап таразы басын теңестірді.
Қазақстан құрамасы осылайша 2018 жылғы Әлем чемпионатына іріктеу кезеңі аясындағы алғашқы матчын сәтті өткізді. Бұл бас бапкер Талғат Маруанұлының ұлттық құрама тізгінін ұстағалы бері өткізген алғашқы ресми кездесуі. Және бүгін Қазақстан құрамасының бас бапкері 48 жасқа толды. Маманды шәкірттері қуанта алды деп айтуға толық негіз бар.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды