Айлық жалақы 6000 доллар: Еуропаны бағындырған қазақстандық бас аспаз үйіне оралғысы келеді

Копенгагенде әлемге әйгілі Нома мейрамханасын жаулап алған қазақ жігіті бір сәтте Қазақстанға танымал болды. Мишлен жұлдызына ие бұл мекеме өте сирек кездесетін теңіз тағамдарын әзірлейді. Сондай-ақ Нома мейрамханасында тамақтану үшін бірнеше ай бұрын алдын-ала жазылып, тапсырыс беру керек.

Айлық жалақы 6000 доллар: Еуропаны бағындырған қазақстандық бас аспаз үйіне оралғысы келеді

Бұл туралы Астана арнасы хабарлады, деп жазады Stan.kz ақпараттық агенттігі.

Бүгінде әлемге әйгілі мейрамхананы жаулап алған Мұхтар Қосбаев Нома мейрамханасында тәжірибеден өту үшін 150-інші үміткер болып, қатаң іріктеуден өткен. Аталған мейрамханада тәжірибеден өту үшін бүкіл әлемнен 5 мыңнан астам бас аспаз өтінім білдірген екен.

Сол қысқа уақыт ішінде қазақ жігіті өзінің кәсіби бас аспаз екендігін дәлелдей алды. Жақында оған осы мейрамханада жұмыс істеуді ұсынған екен. Бірақ ол Исландиямен басқа келісімшартта болғандықтан, бұл ұсыныстан бас тартты.

Еуропадағы ең атақты мейрамхананы жаулап алған қазақстандық бүгінде өз Отанында қазақ асханасын дамытуға ниет білдіріп отыр. Исландияда айына 6000 доллар жалақы алатын қазақстандық аспаз жақсы қаражат тапқанына қарамастан, Қазақстанға оралғысы келеді.

«Нома мейрамханасын құрушы Рене Редзепидің алғашқы екі аптадан кейін «Қазақстанда  барлығы сіз секілді жігерлі ме?» деп сұрағаны есімде. Ол бұған дейін қазақстандықтар туралы ештеңе білмеген екен. Сондықтан ол кісінің мақтауын естіп, өз елімнің атын шығарғаныма қуандым. Намыс үшін тез және жақсы жұмыс істеуге тырыстым»,-дейді қазақстандық бас аспаз.

«Шын мәнінде, Рене Редзепи Нома мейрамханасын ашарда осы аймақта не өсетінін және олардың қандай тағамды тұтынатынын зерттей бастаған. Жалпы, олар өз аймағы туралы ештеңе білмеген. Қазақстанда да дәл осындай. Біз әлем бойынша аумағы үлкен 9-шы елміз. Менің ойымша, бізде көптеген нәрселерді өсіруге болады. Бірақ бізде мұны істемейді»,-дейді бас аспаз.

Қазіргі уақытта жас жігіт аспаздық тәжірибеге ие болып, сонымен бірге ата-бабаларымыздың дастарханға қойған тағамдары мен қазақ асханасы туралы оқып, зерттеп жатыр екен.

«Менің ойымша, біз Еуропаға көп еліктей бермей, бұрын не істегеніміз туралы және оны қалай қолданғанымыз жайлы ойлануымыз керек. Мен Рененің елдегі гастрономия саласының дамуына үлес қосқаны секілді, болашақта Қазақстанға да сол сияқты өз үлесімді қосып, ұлттық асхананы дамытқым келеді»,-дейді Мұқтар Қосбаев.

Оқи отырыңыз:

Қостанай облысында мүгедектер арбасына таңылған қария адам өлтірді деп күдіктелуде

Жамбыл облысында автобус аударылып, бірнеше адам қаза тапты

Шымкентте мұғалім мектепте асылып қалған

Түркістанда күйеуі кішкентай балаларының көзінше әйелін пышақтап өлтірген

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
24.05.18
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар