Есімдерін елбасының өзі қойған ағайынды үшем ЭКСПО-да жұмыс істеп жүр (фото)
Төле, Қазыбек, Әйтеке деп есімдерін елбасының өзі қойған ағайынды үшем ЭКСПО-2017 көрмесінде волонтер болып жұмыс істеп жүр, деп хабарлайды Қазақпарат.
Ағайындылар Кубадан арнайы Астанаға ұшып келді. Олардың әкесі Исраил Тілеген дипломат. Сондықтан 3 жасқа толғанда әкесінің жұмыс бабымен Лондонға көшіп кеткен. Одан Нью-Йорк, Куба еліне қоныс аударды.
Фото: Instagram
«ЭКСПО биыл өз елімізде өтіп жатқандықтан, барып өз үлесімізді қосайық деп шештік», – дейді үшемнің үлкені Төле.
Ағайынды үшеу ағылшын тілінде білім алып, бала кезінен бастап жүзумен, футболмен айналысқан. Оларды көрме қызметіне бірден қабылдады.
Фото: vk.com
«Бәрі бізге таңдана қарайды. Қонақтар мен қызметкерлер үшін біздің ұқсастығымыз қызық көрінеді. Төлені Данияр Елеусіновке ұқсасатындар көп», – дейді Әйтеке.
Олардың түрі қатты ұқсағанымен мінездері әр түрлі.
Үшемдер қыркүйек айныда 19 жасқа толады. Биыл Голландия мен Канаданың ЖОО-на түскен.
Олардың үлкен ағасы Жанболат АҚШ-та білімін тәмәмдап, қазір Астанада жұмыс істейді. Ағайынды үшем де шетелде білімін шыңдаған соң елге оралып қызмет етпек ниетте.
Тағы да оқыңыз:
Астанада ит жейтін бір топ адам ұсталды
Тоқтар Төлешовтың 4 әйелі мен 21 баласы далада қалды
Қарағанды облысында шенеунік қызметкерлерінің не істеп, не қойғанын жасырын камерамен көріп отырған