Дін істері министрі: Сирияға кеткендердің 90%-ы опық жеп, істегеніне өкінеді

Сейсенбі, 20 Маусым , 2017 17:50

Министрдің айтуынша, олар қандай да бір халифатта өмір сүргісі келеді, бірақ ол жоқ, ондағылар жай ғана қылмыстық топтар.

833681

Бұл туралы Sputnik хабарлайды.

Сирияға кеткендердің 90%-ы осы әрекеті үшін өкінеді. Бұл туралы ҚР Дін  істері және азаматтық қоғам министрі Нұрлан Ермекбаев халыққа есеп беру кездесуі барысында айтты.

Министр Сирияға кеткендердің мәселесі ведомствоның құзыретіне кірмейтінін түсіндірді. Өйткені олардың көбісінің кету себебі діни сенім-наныммен байланысты емес.

“Бұл адамдар исламның құндылықтарын дұрыс түсінбейді. Елімізде діндарларға барлық жағдай жасалған. Ешкім ешкімді зәбірлемейді. Дінді ұстанушылардың құқығы қорғалған. Діни орындар бар, әрине, еліміздің заңына қарсы болмаса өз әдебиеттерін оқи алады. Ал кетіп жатқандар дінді бұрмалап жүр. Олар заңды бұзуда”, — деді азаматтардың сұрағына жауап берген Ермекбаев. Ведомство басшысының айтуынша, біздің заңымызда шетел асып, лаңкестік және өзге де заңға қайшы қимылдарға қатысып жатқандарға қатысты арнайы норма бар, олар сот шешімімен азаматтығынан айырылуы мүмкін.

“Онда олар үшін кері жол жоқ. Сондықтан кез келген адам лаңкестік ұйымдарға қосылудан бұрын өзін және отбасын отансыз қалдыратынын ойлауы керек. Әдетте, Сирияға кеткендердің 90%-ы кейіннен опық жеп, істеген ісіне өкінеді. Кейбірі қаза табады, кейбірі жазадан қорқып, қайта оралмайды. Бұл – адам трагедиясы. Мұның бәрі интернеттегі уағыздың салдары, таныс адамдар арқылы да насихат жасалып жатыр. Қандай да бір халифатта өмір сүргісі келеді, ол бірақ жоқ. Ондағылар жай ғана қылмыстық топтар, қыз зорлап, ұрлық жасайды, басқа да қылмыстарға барады”, — деді министр.

“Өз атымнан айта кететін бір жайт, қызмет бабымен көп жылымды әр түрлі елдерде өткіздім. Барлық жерде кемшілік бар, оның ішінде біздің елде де. Алайда өз Отаныңнан артық жер жоқ. Ең ғажап ел – ол сенің туған жерің”, — деп түйіндеді министр.

Тағы да оқыңыз:

Дін істері министрі Ермекбаев «ифтар», «машалла» сынды сөздерді пайдаланбауға кеңес берді

Мұхтар Шаханов сотқа шағымданатынын ескертті

Алыс ауылдарға бармайтын шенеунік Сапарбаевтың басшылығынан кейін өзгергенін айтты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
25.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар