Қазақстанда студенттер 10 пайызбен білім несиелерін ала алатын болды

Сейсенбі, 2 Тамыз , 2016 18:13

Ағымдағы жылы білім грантына ие бола алмаған талапкерлер оқудың ақысын төлеуде қаржы жағынан қиналған жағдайда Білім беру кредиттерін кепілдендірудің мемлекеттік бағдарламасына жүгініп, жылдық 10%-дан басталатын пайыздық мөлшерлемемен 12 жылға дейінгі мерзімге Қазақстан Республикасы Білім және ғылым министрлігі “Қаржы орталығы” АҚ-ның кепілдігімен несие ресімдей алады.

j85S6fzEqEw6Iw9820J11BVv1AmJwD

Фото: yvision.kz

Қаржы орталығының кепілдігімен ұсынылатын білім беру кредиттері талапкерлерге де, Қазақстанның бүкіл ЖОО-лары мен колледждерінің барлық оқу үлгісіндегі студенттеріне де беріледі. Қазіргі таңда білім беру кредиттері Қаржы орталығымен серіктес банктерде әр түрлі шарттарда ұсынылады. Бағдарламаның қолданылу ауқымы кең, серіктес банктер Республиканың барлық аймақтарында жұмыс жасайды. Кредиттің берілу механизмі бірдей: қарыз алушы банкке барып кеңес алады, рәсімдеуге қажетті құжаттарды жинап, оларды банкке тапсырады.

Білім беру кредиті қажеттілігіне қарай әр семестр немесе жыл сайын оқу орынның есепшотына аударылады. Алайда, Қаржы орталығының кепілдігімен білім беру кредитін алу үшін бір немесе екі қосалқы қарыз алушының болуы талап етіледі. Бұл жерде қосалқы қарыз алушының төлеуге қабілеттілігі, яғни негізгі жұмыс орны бойынша алатын табысы ескеріледі.

Кредиттің сомасына шектеу қойылмайды, бастысы барлық оқу кезеңі үшін оқу құнынан аспаса болғаны. Ерекше атап кетерлігі, бұл бағдарламада жеңілдікті кезең беріледі, яғни оқу кезеңі мен оқуды бітіргеннен кейін 6 айға кредитті төлеу мерзімі кейінге шегеріледі. Кредитті кез келген уақытта мерзімінен бұрын өтеуге болады, ол үшін айыппұл санкциялары қолданылмайды.

Білім беру кредиттерін кепілдендірудің мемлекеттік бағдарламасы арқасында студент өз күшімен өз болашағын жоспарлай алады.

Анықтама үшін:
“Қаржы орталығы” АҚ Қазақстан Республикасы Үкіметінің 2005 жылғы 1 маусымдағы № 541 қаулысына сәйкес Қазақстан Республикасы Білім және ғылым министрлiгінiң “Қаржы орталығы” мемлекеттік мекемесiн қайта ұйымдастыру жолымен құрылды.

“Қаржы орталығы” АҚ қызметiнiң негізгi мәнi ақшалай нысанда орындалуды көздейтiн қаржы ұйымдары ұсынатын білім беру кредиттері бойынша кепiлдіктер беру, сондай-ақ бұрын берілген мемлекеттік білім беру және студенттік кредиттердің қайтарылуын қамтамасыз ету болып табылады.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
14.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар