Еліміздегі мейрамханалардың 40 пайызы жұмысын тоқтатуы мүмкін

Дүйсенбі, 22 Ақпан , 2016 22:34

Жылдың соңына дейін еліміздегі мейрамханалардың 40 пайызы жұмысын тоқтатуы немесе банкрот болуы мүмкін. Импорттың қымбаттауы мен келушілер санының күрт азайуынан кірісі азайған рестораторлар осылай дейді. Онымен қоса, мейрамхана ғимаратын доллармен жалға алған кәсіпкерлер төлемді жаңа бағаммен беруге мәжбүр екен.

2y8e0138

Бұл туралы 31 арна хабарлайды.

Елордада элиталы, көздің жауын алатын мейрамханалар жетерлік. Тек, қазір олардың көпшілігі қаңырап тұр. Сондай желілердің бірінің директоры Александр Рассказов девальвациядан кейін бизнестің тығырыққа тірелгенін айтады.

«Девальвация кесірінен адамдар ақшасын санап, үнемдеуге көшті. Мейрамханалардың орта чегі 30 пайызға қысқарды. 2015 жылы клиенттер сәл азайса, 2016 жылдан бастап тіпті күніне бірен-саран адам келеді»,-дейді ресторатор  Александр  Рассказов

Алайда клиенттер үнемшіл болып кеткен жоқ. Тұтынушылар мейрамханаларда тамақ бағасының аспандап кеткенін айтады. Ал рестораторлар бағаны өсірмесек, тақырға отырамыз дейді.

«Иә, кей тағамның бағасын 10-15 пайызға қымбаттаттық. Себебі біздің мәзірдегі астың жартысынан астамы импорттық азық-түлікпен дайындалады. Ал импорт 70 пайызға шарықтады. Шамамыз келгенше шеттен келетін тауарды отандық өніммен алмастырып жатырмыз, бірақ Жерорта теңізінің балығы мен Балтық асшаянын Қазақстанның қай жерінен табасыз?!»,-дейді ресторатор  Александр  Рассказов

Ал сарапшылар дағдарыстан аман шығу үшін кейбір «хай класс» мейрамханалардың орта деңгейліге өтуі керектігін айтады.

«Нарықта қалатындар: тауарларының өзіндік құндарын төмендете білгендер, баға  саясатын тиімді пайдаланып маркетингтік жүйені жүзеге асырғандар ғана  бәсекеге төтеп бере алады. Қазіргі уақытта тікелей бәсекеге төтеп беретін пайызбен шаққанда 30-35 пайыз кәсіпорын ғана қалады деп айтуға болады»,-дейді экономист  Бауыржан Искаков

Банкрот қаупі төнгендердің дені мейрамхана ғимаратын АҚШ валютасымен жалға алғандар екен. Доллар шарықтай берсе, өзге де кәсіпкерлер қарызға батып қаламыз ба деп қорқып отыр.

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
20.08.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар