Димаш Құдайбергеннің әлем бойынша фанаттары Астананы туған күнімен құттықтады (видео)
Танымал әнші Димаш Құдайбергеннің әлем бойынша фанаттары Астананы туған күнімен құттықтап, видеоролик түсірді, деп хабарлайды Stan.kz.
Видеоны әншінің өзі Youtube-арнасында жариялады.
«Сәлем, Астана ! «Димаш АҚШ» фан-тобынан қаланың 20 жылдығына орай құттықтауды қабыл алыңыздар. Қалаларыңыз гүлдене берсін», – дейді АҚШ-тағы фанаты Алиса Келлог.
Сонымен қатар әншінің Польшадағы фанаты елордамыздың қарқынды дамып келе жатқан әдемі қала екенін айтты.
«Сіздер қаланың дамуымен ғана емес, өздеріңізден шыққан Димашпен мақтана аласыздар», – дейді польшалық Моника Василевска.
Сондай-ақ, әншінің Испания, Румыния, Түркия, Индонезия, Жапония, Якутия, Белаурсь, Болгария, Франция және басқа да мемлекеттегі фанаттары да қазақстандықтарды Астананың мерейтойымен құттықтады.
Stan.kz сайтын Telegram арқылы оқыңыз. Арнамызға жазылыңыз.
Талқылау