Данияр Елеусінов Головкиннің бокс кешінде жұдырықтасатынын мәлімдеді
Данияр Елеусінов Геннадий Головкиннің 8 маусымда Нью-Йоркте өтетін жекпе-жегінің андеркардында жұдырықтасады.
Бұл туралы Stan.kz ақпарат агенттігі Sports.kz порталына сілтеме жасап хабарлайды.
Елеусінов 25 мамырда Усик пен Такаманың жекпе-жегінде жұдырықтасуы тиіс еді. Алайда спортшының жоспары өзгеріпті.
«Біз Даниярдың жекпе-жек өткізетін уақытын өзгертіп, 25 мамырдың орнына, 8 маусымда Геннадий Головкиннің бокс кешінде жекпе-жек өткізуді ұйғардық. Жекпе-жек 10 раундқа жоспарланған. Ал қарсыласының есімін таяуда хабарлаймыз», - дейді Елеусіновтің менеджері Зия Әлиева.
Бұл Елеусіновтің кәсіби мансабындағы жетінші жекпе-жек болмақ. Ол бұған дейінгі 6 жекпе-жегінің бәрінде жеңіске жеткен.
Еске сала кетсек, Геннадий Головкин 8 маусымда канадалық Стив Роллспен жұдырықтасады.
"Кәрісің, бізге жастар керек дейді": Қазақстандықтар 35-40 жастан кейін жұмысқа тұра алмайтындарын айтып, шағымданды
Тұрғын: "Ипотекамыз, екі кішкентай баламыз бар, болашағымызға алаңдаймын”
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады