Бюджет ақшасын сыйлық таратуға жұмсаған мемлекеттік мекемелер депутаттардың ашуын келтірді

Бейсенбі, 19 Мамыр , 2016 21:35

Миллиардтаған теңге тағы игерілмей қалған. Министрлер мен әкімдер тұрғындардың тұрмысын түзеуге деп бюджеттен бөлінген қыруар қаржыны тиімді жұмсай алмапты, – деп хабарлайды КТК арнасының сайты.

GetFoto

Сурет: www.kazakhstanzaman.kz 

Енді 7 миллиард  астам теңге бос жатыр. Салдарынан қаншама баспана мен аурухана, мектеп салынбай қалған. Есесіне, прокурорлар қазынаның қаржысын еш аямапты. Бас прокуратура бір жылда түрлі мерекелерде бір-біріне сыйлық тарату үшін 108 миллион теңге жұмсаған. Мұны естіген депутаттар жағасын ұстады.

Бюджет қаржысына жауапты бірінші адам болғандықтан, шығын мен кіріс туралы есеп беруге Бақыт Сұлтанов келді. Қаржы министрінің қасында Үкіметтің өзге де мүшелері еріп жүр. Өйткені, депутаттар өздері бекітіп берген бюджеттің әр тиыны қайда жұмсалғанын сұрап, тергейді. Ал бар ақшаны ұқсата алмағандардың тізімін Президент ісі басқармасы, Ішкі істер, Ауыл шаруашылығы министрліктері бастап тұр.

-“2015 жылы 7 трлн-дық бюджетте  7,8 млрд теңге игерілмей қалды. Бұл 2014 жылға қарағанда 4 есеге аз”, – дейді ҚР Қаржы министрі Бақыт Сұлтанов.

Ал, мемлекеттік қарыз 9 трлн 22 млрд теңгеге жеткен. Сондай-ақ, Есеп комитеті 459 миллиард теңгенің тиімсіз жұмсалғанын анықтапты. Яғни, шенеуніктер «қазына қаржысын пайдаландық» деп есеп бергенімен, іс жүзінде әлеуметтік нысандар мүлдем салынбаған. Ауруханалар жыл сайын дәрі-дәрмекті артығымен алып, қоймаларда босқа сақтайды. Медициналық қызметтің сапасын жақсартуға бөліген ақшадан да мүлдем жауап жоқ.

-“Мәселен, тұрғынүй құрылысына бөлінген 39 млрд теңгенің 1 млрд-ы игерілмеген. Шенеуніктердің кесірінен қаншама адам пәтерсіз жүр. Бұған қоса 7 мектеп пен 7 аурухана салынбай қалған”, – дейді Мәжіліс төрағасының орынбасары Гүлмира Исімбаева.

Бұл аздай, тендерге қатысатын кәсіпкерлер де бюджеттің қаржысын май шелпекке айналдырып алыпты. Былтыр бизнесмендер жалған құжат толтырып, бюджетке 1 трлн теңге салық төлемеген.

-“Яғни 484 мердігер мемлекет қаржысын алғанымен  дұрыс жұмсамаған. Соның ішінде «Нұрлы жол» бағдарламасы бойынша 409 млрд қаржы жұмсалған. Содан алынуға тиіс 130 млрд салық алынбаған. Мемлекеттік сатып алуды қарасақ, 1,5 трл қаражат кеткен, содан 430 млрд теңге салық алынбаған. Бұлар немене, сонда мемлекеттің қаржысын алып, жалған кәсіпкерлерге берген бе?”, – дейді Мәжіліс депутаты Нұртай Сабильянов.

Салықтан бөлек, былтыр Үкімет Ресейден Байқоңырды пайдаланғаны үшін  төленетін ақыны да толық ала алмапты.

Бас прокуратура бір-біріне сыйлық алу үшін мемлекеттің миллиондарын шашқан.

-“Былтыр бас прокуратура 108 млн.қаржыны сый-сияпатқа жұмсаған. Не сонда бұл құқықтық мекеме емес, сонда сыйлықты кімге беріп жатыр? Нені үлестіріп жатыр? Бұл не деген шығын? Конституциялық кеңес өзі бас-аяғы 30 адам жұмыс істейді, 65 млн ақшаны шығындаған, сол біреуге сый беруге”, – дейді Мәжіліс депутаты Омархан Өксікбаев.

Ал, өңірлердегі әкімдер қазынаның  қаржысын  жұмсағанда ешбір тәртіпке бағынбайды екен. Мәселен, былтыр аймақтар 352 млрд теңгені заңсыз пайдаланған. Ол үшін әкімдер мен вице-министрлерге сөгіс жарияладық деп құтылды Қаржы министрі. Бұны місе тұтпаған депутттар, енді  мемлекетке келген шығынды, бар ақшаны ұқсата алмаған шенеуніктердің  өздері көтерсін деп отыр.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев
  • Жұмбақ жан says:

    Дұрыс, жауап берсін ақшаны қайда жұмсағанын. Қайдам сол жартас, сол болатын сияқты

Leave a Reply

Your email address will not be published.

Орташа айырбас бағамы
27.06.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар