Бокстан әлем чемпионы әскерге борышын өтеуге аттанды
Бокстан Қазақстан ұлттық құрамасының мүшесі және әлем чемпионы Санжар Тәшкенбай Ұлттық ұлан қатарына қабылданды. Бұл туралы Stan.kz ақпарат агенттігі Polisia.kz сайтына сілтеме жасап хабарлайды.
Санжар Тәшкенбай Алматыда борышын өтейді. 5571 әскери бөлімінің саптық шеру алаңында Отан алдындағы борышын өтеу үшін еліміздің әр өңірінен қызмет етуге келген 700-ге жуық жас сарбаздың салтанатты түрде әскери ант қабылдауы өтті. Олардың қатарында әлем чемпионы да бар.
"Армия – жігітке көп нәрсе беретін шынайы өмір мектебі. Боксшы ретінде бұл маған өте маңызды. Мен Ұлттық ұлан қатарына шақырылғанымды мақтан тұтамын. Мен абыроймен қызмет атқарып, әскери бөлімнің туын жоғары ұстаймын, – деді қатардағы жауынгер Санжар Тәшкенбай.
Санжар Тәшкенбай – 2021 жылы өткен бокстан жастар арасындағы әлем чемпионатының жеңімпазы, 2023 жылдың мамырында 48 келіде жұдырықтасқан ол Ташкенттегі әлем чемпионатында жеңіске жетті.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасы көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"