Боксшы Левит жетім балаға арнап білім беру депозитін ашты
Акция ұйымдастырушылары қазақстандықтарды балалар үйінің түлектеріне жоғары білім алуға көмектесуге шақырады.
Бұл туралы Sputnik хабарлайды.
Олимпиаданың күміс жүлдегері Василий Левит елордалық 2-сынып оқушысы Алтынбек Бағибергеновтың атына арнайы білім беру депозитін ашты деп хабарлайды Қазақстан бокс федерациясының баспасөз қызметі. Алтынбек – елордалық балалар үйінің тәрбиеленушісі екен. Мектеп бітіргенге дейін оның есепшотында қомақты қаржы жинақталуы тиіс.
Мемлекеттік білім беру жинақтау жүйесінде ашылған депозиттің кірісі жыл сайын 21%-ды құрайды, оның 7%-ы мемлекеттік сыйақы, қалған 14%-ы – банктің сыйақысы. “Алтынбектің болашағы зор, міндетті түрде оқу оқып, жоғары білім алуы тиіс”, — дейді Левит. – Меніңше, бұл үлкен бір істің бастамасы. Егер білім беру депозиті болашақта керегіне жарап жатса, демек еңбегіміздің зая кетпегені”.
Жіберіп алмаңыз:
Әлемдегі ең бай спортшылар кімдер
“Ағайынды төртеу” лақап атымен жүрген қылмыстық топтың серкесі спортшыларға демеуші болып келген
Төлқұжат кеңсесі “көзі жұмулы” азиат жігітінің суретін қабылдамай қойған