БҚО-да түрме қызметкері сотталушылардың қашып кетуіне жол берген
Бөрлі аудандық сотының үкімімен ҚР ҚК 371-бабына (салғырттық) сәйкес Бөрлі аудандық ішкі істер бөлімі уақытша ұстау изоляторының бұрынғы қызметкері Әубәкіровке қатысты айыптау үкімі шығарылып, оның бір жылға бас бостандығы шектелді.
БҚО прокуратурасының баспасөз қызметінен түскен мәліметке қарағанда, сот үкімі заңды күшіне енген жоқ. Аталған қызметкер сотталған Шестопалов пен сотталушы Черныйдың биылғы 5 шілдеде аралығында изолятордан қашып кетуіне жол берген.
Айта кетейік, Бөрлі аудандық сотының үкімімен ҚР ҚК 426-бабы 1-бөлігіне сәйкес айыпты деп танылған Черный мен Шестопаловқа сәйкесінше 2 жыл және 3 жыл 6 айға бас бостандықтарынан айыру жазасы кесілген болатын. Бұл үкім заңды күшіне енді.
Жіберіп алмаңыз:
Түрмеден қашқан тұтқын қыз іздеудегі суретін ауыстыруды өтінген
Қылмыскерлер күзетшіні өлімнен құтқару үшін түрмеден қашты (видео)
Эквадорда жер сілкінісінен кейін жүзге жуық жазасын өтеуші түрмеден қашып кетті
Талқылау