"Бір жыныстыларды заңдастырар едім": Байзақова президент болса, үш нәрсені өзгертетінін айтты

Атышулы Айжан Байзақова ел басқарған жағдайда елімізде нені өзгертетінін айтты. 

Байзақова бұл туралы блогердің сұрағына жауап беру барысында айтты, деп жазады Stan.kz.

"Егер мен мемлекеттік басқарсам, алдымен елдегі бір жыныстыларды заңдастырушы едім. Одан кейін кешкі сағат 21:00-ден бастап ішімді сатуға рұқсат берер едім. Тағы бір өзгеріс енгізетін жайт, сөз бостандығына рұқсат етер едім", - деді ол. 

Желі қолданушылары оның бұл сөзіне ашуланып, қарсы пікір жазды. 

"Президент болмағаның жақсы болған", "Іріген ауыздан шіріген сөз шығады", "Біржыныстылар көбейіп, жетісетін едік", - деп жазды желідегілер.

Бұған дейін Айжан Байзақова балағат сөзі үшін үш күнге қамалған болатын.