Бір дұрыс бағдарлама жүргізбейтін болды: Аша Матай тағы да сынға қалды

Отандық телеарналардың бірінде эфирге шыққан жаңа бағдарламалардың бірін Аша Матай тізгіндеді. Алайда желі қолданушылары бағдарламаны жақтырмай, әншіні сынға алды, деп хабарлайды Stan.kz.

Аша Матай

Телеарналардың бірінде эфирге шыққан «Деген екен» бағдарламасы жұртқа жақпай қалды. Жаңа бағдарлама барысында Instagram желісіндегі қызықты дүниелер талқыланады.

«Өзіне тән жеңіл әрі еркін мәнерде Аша апта сайын шоу-бизнес әлемі мен Қазақстандағы танымал тұлғалардың өміріндегі жаңалықтар туралы баяндайды. Бағдарламаның басты ерекшелігі – жаңалықтардың авторлары – шоу-бизнес жұлдыздары мен медиа-тұлғалардың өздері. Қазақстандықтардың Instagram танымал әлеуметтік желісінде бөлісетінінің барлығы бұдан былай Аша Матайдың назарында болады. «Деген екен» жобасында жүргізуші көрерменге жұлдыздар өміріндегі қызықты жайттар туралы айтып қана қоймай, желіде болып жатқан дүниелерге қатысты өз көзқарасымен бөліседі», – делінген бағдарлама туралы.

Өз кезегінде желі қолданушылары Аша Матайдың «бір дұрыс бағдарлама жүргізбейтінін» айтып, сынға алды.

«Осындай не мəні жоқ, не дəмі жоқ, бір-бірінен қайталай беретін бағдарламалардың не керегі бар?», «Instagram-нан бәрін көріп алғанбыз. Қызық емес», «Ашаның жүргізген бағдарламалары ұнамайды», «Өсек айтатын бағдарлама толып жатыр ғой. Мұның не керегі бар», «Мұның бәрін желіден көріп алдық қой. Не үшін қайталап көреміз?» – деп сынады пікір қалдырушылар.

Stan.kz сайтын Telegram арқылы оқыңыз. Арнамызға жазылыңыз.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
14.12.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар