Бастапқы баға 24 млн теңге: nur-sultan.kz домені сатылымға қойылды
Астананың Нұр-Сұлтан болып қайта өзгертілгеніне бір апта болмай жатып Nur-Sultan.kz деген атаудағы домен сатылымға қойыла бастады. Бұл атау ресейлік қор биржасы мен telderi.ru домендер сайтында жарияланды, деп жазады Stan.kz.
Хабарлама авторы домен Қазақстан астанасының жаңа атауын дәлме-дәл қайталайды дейді. Ол Қазақстан астанасының 2019 жылдың 20 наурызынан Нұр-Сұлтан болып қайта өзгертілгенін еске сала кетіп, nur-sultan.kz доменін сататынын хабарлады.
Оның айтуынша, лоттың бастапқы бағасы төрт миллион екі жүз мың рубль яғни, 24 миллион 696 мың теңгеден басталады.
«Құрметті әлеуетті сатып алушылар. Бастапқы бағасы 4 200 000 рубль. Ал 12,480,000 рубль ұсынылса домен сол сәтте сатылатын болады. Бірақ, сіз мысалы 5 000 000 рубль ұсына аласыз. Ал егер ешкім бұл соманы ұсынбаса, сіз осы доменді 5 000 000 рубльге сатып алсаңыз болады»,-деп жазды хабарлама авторы.
Stan.kz сайтын Telegram арқылы оқыңыз. Арнамызға жазылыңыз.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды