Банктер теңгемен депозит ашқандардың сыйақысын кемітіп тастады

Жұма, 6 Қаңтар , 2017 21:26

Теңгемен депозит ашқандардың сыйақысы төмендеп қалды! Бұған дейін ақшаны ұлттық валютада ұстауға үгіттегендер біртіндеп теңгелік депозиттердің пайызын қысқартып жатыр. Кезінде 14-ке дейін көтермелеген банктер, енді оны 2-ден 2,9 пайызға дейін кеміткен. Бірақ бұл теңгеге деген сенімнің азайғанынан емес деп түсіндірді Ұлттық банктегілер. Әрі жұрттың жинақтарына да айтарлықтай әсер етпейді екен. Бүгін бас банктегілер несиені таныстарына оңды-солды таратқан Казинвестбанкіндегі былықты да айтты, – деп хабарлайды КТК арнасы.

news1477459458

Бақандай 24 жыл қызмет етіп, бір-ақ күнде барынан айырылған «Қазинвестбанктің» жұрт білмейтін қыры жетіп артылады екен. Қаржылай аударымдарды кешіктіргені былай тұрсын, ақшаның көзін бес саусақтай біліп алған қызметкерлері несиені таныстарға таратып, банкті тақырға отырғызыпты.

««Қазинвестбанктің» ерекше клиенттері болған. Яғни, қарызы бола тұра қайтара несие беріліп отырған. Ал ақша сол күйі қайтпаған. Банк қызметкерлерінің ол қаржыда өз үлесі болған болуы мүмкін. Ол жағы қазір тексеріліп жатыр.Тексеру бітпей, олардың аты-жөнін жариялай алмаймыз», – дейді Ұлттық банктің басқарма басшысы Александр Терентьев.

Банк берген несиелердің тең жартысы осылай жалған болып шыққан. Қулығын асырмақ боп лиценциядан қағылған «Қазинвестбанктің» директорлары қазір түгелдей тексеріліп жатыр. Ал 8 мың салымшы ақшасын қалай да алады деп сендірді Депозиттерге кепілдік беру қоры басшылығы. Бірінші кезекте 10 млн-ға дейінгілері қайтарылмақ. Одан да көп жинағы бар 52 клиент бар екен. Олардың мәселесі кейінірек қаралмақшы. Сондай-ақ, Ұлттық банк бүгін теңгемен сақталған депозиттердің сыйақы пайызы түскенін де хабарлады.

«Теңгелік депозиттердің сыйақы мөлшерінің төмендеуі екінші деңгейлі банктер арасындағы бәсекелестікке ыңғайлы жағдай туғызады. Оларға да адал жағдай жасауымыз қажет. Осы себепті, директорлар кеңесі осындай шешімге келді», – дейді Депозиттерге кепілдік беру қорының төрағасы Бақыт Қоғылов.

Кезінде пайыздық мөлшерлемені 14-15-ке дейін көтермелеген банктер, енді оны 2-ден 2,9 пайызға дейін кемітіп жатыр. Бірақ бұл теңгеге деген сенімнің азайғанынан емес дейді мамандар. Қайта жинағын ұлттық валютада сақтайтындар саны соңғы уақытта біршама артыпты. Әрі сыйақы 2 пайызға төмендегінімен клиенттердің депозиттеріне айтарлықтай әсер етпейді деп сендірді Ұлттық банктегілер.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
24.02.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар