Балалар арасында өтетін «Новая волна» байқауында ел намысын Жәнел Сәдуақас қорғайды
Биыл балалар арасында өтетін «Новая волна-2016» байқауында еліміздің атынан астаналық 11 жасар Жәнел Сәдуақас өнер көрсетпек. Жас дарын иесі қазақстандық әнші Ademi-ден сабақ алып жүр. Естеріңізде болса, Ademi былтырғы «Новая волна» байқауының екінші орын иегері, аталмыш байқауда Қазақстанды үздік үштікке кіргізген алғашқы әнші.
«Балалар арасындағы халықаралық «Новая волна» байқауына біздің елімізден сүйкімді ханшайым, менің шәкіртім Жәнел Сәдуақас қатысады. Сіздердің қолдауларыңызды күтеміз», – деп жазды әнші Ademi өзінің Инстаграмдағы парақшасында.
Байқау финалы Қырымдағы «Артек» халықаралық орталығында 11-13 тамыз аралығында өтеді. Өнер додасына әлемнің 11 елінен 8 бен 12 жас аралығындағы барлығы 15 бала қатысады. Оның ішінде Ресей, Армения, Абхазия, Латвия, Мальта, Қазақстан, Қырғызстан, Корея және Румыния өнерпаздары бар.
Ал әділ-қазылар алқасы құрамында Евгений Крылатов, Лев Лещенко, Ирина Дубцова, Сергей Лазарев, Филипп Киркоров сынды Ресей сахнасының саңлақтары бар. Қазылар алқасының төрағасы – Ресей халық әртісі, продюсер әрі композитор Игорь Крутой.
"30 минутқа созылады, тез келемін деген еді": Астанада көзіне лазерлі ота жасатуға барған жалғызбасты ана қаза тапты
Қызы: "Дені сау адам өз аяғымен таза талдауларымен клиникаға кірген еді"
Ата-анамызды асырауға міндеттіміз бе? Бұл сұрақ қазақстандықтардың пікірін екіге бөлді
Желі қолданушысы: “Міндетті емес, бала “мені өмірге әкел” деп ешкімнен өтінген жоқ”