Балалар алаңына темекі тұқылын тастаған астаналыққа 21 мың теңге айыппұл салынды
Астанада балалар ойнайтын алаңқайға темекі тұқылын тастаған ер адамға айыппұл салынды. Бұл туралы қалалық ІІД жергілікті полиция қызметі хабарлайды.
Фото: radiotochka.kz
“2 қыркүйек күні күндіз учаскелік полиция инспекторы Бауыржан Қасенов Сейфуллин көшесіндегі 29 үйдің ауласынан 1998 жылы туған К. есімді азаматты байқап қалады. Ол азамат темекі шегіп тұқылын балалар алаңқайына тастап кеткен. Қоғамдық орынды ластағаны үшін 18 жастағы азаматқа әкімшілік хаттама толтырылып ҚР әкімшілік кодексі 434 бабы негізінде айыппұл салынды”, – деді жергілікті полиция қызметінің инспекторы Ләззат Бисембаева.
Мамандандырылған ауданаралық соттың үкімімен К. есімді азамат 10 АЕК (21 210 теңге) көлемінде айыппұл төлейтін болды.
Қазіргі күнге дейін тәртіп сақшылары 3493 кіші бұзақылық әрекеттерін байқап, материалдар сотқа жіберілген.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды