Бағдарлама жабылсын: "Өз ойым" продюсері елдің айыптауына жауап берді

10.04.19 / 11:01

Арын сатып, ақша тапқысы келген қыздың оқиғасынан кейін, қоғам белсенділері 7-арнадан шығатын "Өз ойым" бағдарламасын жабуды талап етті. Бағдарлама продюсері Жангелді Таңатбекұлы елдің айыптауына жауап берді, деп жазады Stan.kz.

"Біз қоғамда бар нәрсені талқылаймыз, ойдан ешнәрсе шығармаймыз. Студияға келген кейіпкер - актриса, ал біз - театр емеспіз. Оған келе ғой деп ақша да төлемедік. Керісінше студияға келген азамат қарындасын қызғыштай қорып, "сол ақшаңды мен-ақ берейін" деп жанашырлық танытты.

Иә, біз кейіпкердің құрбысына көмектесе алмадық. Дегенмен өзін райынан қайтардық", - дейді продюсер.

Посмотреть эту публикацию в Instagram

Біз дәл осындай проблеманың бар екенін айттық, көрсеттік.Ал сіз өз қызыңыздың дәл бүгін немен шұғылданғанын білесіз бе? Оның телефонын қарап тексересіз бе? Неге біз айтқан ауызды жабуға тырысамыз? Неге ел болып, жұрт болып осы мәселені мойындап бірлесе отырып шешуге тырыспаймыз? Жастар жылы дейміз. Жастар жылында біз оларға не мүмкіндік беріп жатырмыз? Біз кез келген адамның пікірін тыңдауға әзірміз. Айтар ойларыңыз болса продюсер @zhankeldi_tanatbekuly сіздерді үнемі тыңдайды. Жазыңыз, айтыңыз!

Публикация от "Өз ойым" ток-шоу (@oz_oiym7) 9 Апр 2019 в 7:56 PDT

Бұдан өзге, бағдарлама ұйымдастырушылары тақырыпты көрерменнің өзі таңдайтынын мәлімдеді. Айтуларына қарағанда, қазіргі көрермен салмақты, айтары бар тақырыпты қозғаған бағдарламаны көрмейді екен.

Посмотреть эту публикацию в Instagram

Назарларыңызға бағдарламада қозғалған тақырыптарды ұсынамыз☝️☝️☝️. Сонда жақсы тақырыптарды неге көрермен көрмейді? Ал жағымсыз тақырыптар керісінше...Бұл сіздің таңдауыңыз емес пе? Сіз нені көресіз? Ұсыныс пен пікірлеріңізді "Өз ойым" продюсері @zhankeldi_tanatbekuly- на айтыңыз. Қаралым біздің мақсат емес, таңдау жасайтын Сіз!

Публикация от "Өз ойым" ток-шоу (@oz_oiym7) 9 Апр 2019 в 7:59 PDT