БАӘ-дегі көрмеде қазақтың ұлттық киімдері көрсетілді

Дүйсенбі, 25 Қаңтар , 2016 17:01

Оралдық «Мария ханым» атты сән үйінің ұлттық киім үлгілері Араб Әмірлігінің тұрғындарын тәнті етті. Әбу-Дабиде өткен этномәдени фестивальде қазақтың әдемі ою-өрнегімен безендірілген киімдерге қызығушылар өте көп болған.

Безымянный

Бұл туралы 24.kz хабарлайды.

Шетелдік азаматтардың керемет ықыласынан шабыт алған отандық дизайнерлер жаңа коллекция ойластыра бастапты. «Мария ханым» салонынан шыққан ұлттық ою-өрнектермен әрленген киімдер бүгінде елімізде үлкен сұранысқа ие. Тапсырыс берушілердің үдесінен шығу үшін дизайнерлер де бар өнерін, еңбегін сарп етуде. Бұл жерде тіпті кішкентай бүлдіршіндерге арналған қазақы киімдердің түр-түрі бар. Бір айда камзол, көйлек, сәукеле сияқты 100-ден астам киім үлгісі тігіледі. Олардың әрбірі бір-біріне ұқсамайтын дара әрі сапалы өнер туындысы.

«Бұны тұтынушылардың сұранысынан-ақ байқауға болады», – дейді дизайнерлер. «Әбу-Дабидегі байқауға апарған коллекция өте сәтті болды», – дейді сән үйі жетекшілерінің бірі Жұлдыз.

Өйткені фестивальдің алғашқы күнінде-ақ киім үлгілерінің басым бөлігі сатылып кетіпті.

“Әбу-Дабидегі этномәдени көрме біздің ұлттық киімдерімізге деген үлкен қызығушылықтың зор екендігін көрсетті. Сондықтан ондағы көптеген тұрғындар біздің бұйымдарды бұдан ары қарай сол жақтарда өтетін түрлі байқаулар мен көрмелерде көргісі келетіндерін айтып жатты”, – дейді Star Models Studio агенттігінің директоры Жұлдыз Хуспанова.

Байқаудан дизайнерлердің үйренгені де көп болды. Оларға Марокко, Бахрейн, Ауғанстандағы әріптестерінің жұмыстары ерекше ұнапты. Сондықтан ол жақтан ескі әшекейлер мен түрлі маталар және ерекше үлгілер де ала келген. Енді жаңа коллекция шығару жоспары тұр. Бұл жолы ұлттық нақыштағы киімдерді тек салтанатты кештерде ғана емес, күнделікті киюге болатындай үлгіде тігіп көрмекші.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
21.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар