Бүгінде қымбат мазарларды жарыса салу сәнге айналған

Дүйсенбі, 15 Ақпан , 2016 19:19

Соңғы жылдары қайтыс болған адамның басына қойылатын мазарларды жарыса салу сәнге айналып бара жатқанға ұқсайды. Мұндай үрдіс Қызылорда облысы тұрғындарының арасында да жиі байқалуда.

бейит

Бұл туралы Stan.kz сайтының Қызылордадағы тілшісі хабарлайды.

О дүниелік болып кеткен ата-аналары мен жақындарының рухына осылайша құрмет көрсетіп жатқандардың әрекеті дін өкілдерін мазалауда.

Қызылорда қаласындағы Орталық бейіттің аумағы күннен-күнге үлкейіп келеді. Жаңадан мазарлар салынуда. Олардың арасында көкпен таласқан бейіттер алыстан менмұңдалайды. Жалпы, ислам дінінде әспеттеп мазар тұрғызу қаншалықты дұрыс? Осы мәселе төңірегінде Қызылордадағы «Қалмұхамбет ишан» мешітінің бас имамы Нұрлан Әбжановпен сөйлескен болатынбыз.

бейит3

«Қазір өлген адамның басына қойылып жатқан мазарларға қарасаң құдды бір сарайға ұқсайды. Қымбат құрылыс материалдарын пайдаланып, күмбездеп жатады. Алайда ислам дінінде алалау деген болған емес. Сол себепті бұл үрдістің кең қанат жайып келе жатқандығы бізді алаңдатып отыр», – дейді дін қызметкері.

«Шариғатта мазарды биік қылып салуға тыйым салынған. «Елу жылда ел жаңа демекші» жарты ғасырдан кейін жермен жексен болуы қажет. Әсіресе, төбесінің ашық болуы шарт. Күн сәулесі түсіп, жаңбыр тию үшін. Ал, қазіргі мазарлар көп жылдап тұрады», – дейді Нұрлан Әбжанов.

Қала тұрғыны Еділ Әділбек (есімі өзгертілген) жуырда інісін жерледі. Қайғылы жағдайға душар болған азаматтың мазарын салуға отбасы бар күш-жігерін жұмсапты.

«5000 мыңға жуық қызыл кірпіш пайдаландық. Ұзындығы шамамен екі жарым метр болды. 200 мың теңгеге фундаментін құйдырдық. Арнайы, Алматыдан күмбез алдырдық. Құрылысшыларға төлеген ақша тағы бар. Жалпы есептегенде бір бейітті көтеруге 2 миллион теңгедей ақша жұмсадық», – дейді жас жігіт.

Тіпті ақша жетпей қалып, несие де алыпты. Дін өкілдері мұның барлығы ысырапшылдық екенін айтады. Қайтыс болған адамға сый-құрметті көз жұмғаннан кейін емес, тірі кезінде көрсету қажет екенін айтады.

Жасыратыны жоқ, қазіргі таңда кафе-мейрамханаларға тек той-думанда ғана бармаймыз. Өлген адамның қырқы мен жүзі, тіпті жылы да қымбат орындарда беріліп жатады. Өткен жылы қызылордалық имамдар осы тұрғыда үңдеу жасаған екен. «Қаза болған үйде қазан көтерілмеуі керек. Алыстан келген ағайындарға көрші-көлем жиналып, ас дайындап беруі тиіс. Ал, қазір қалай? Дастархандары тойдан кем жасалмайды. Түрлі тәттілерді қойып, мал сойып жатады. Әрине, қайтыс болған кісіге құрмет көрсетілген дұрыс. Бірақ бос шығындалудың қажеті жоқ», – дейді дін қызметкері.

Қазір мешіт қызметкерлері ақпараттық-насихат шараларына көп көңіл бөліп жатқандарын айтады. Бос шығындалғанның орнына, садақа беріп, мұсылманға тән әрекет ету қажеттілігі жеткізілуде. Осы орайда, жақыны шейіт болған жандарға үңдеу тастау  бұқаралық ақпарат құралдары өкілдеріне де міндет болып отыр.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев
  • Катира says:

    Менiн кызым жасынан аскан кезде шетiнеп калды. Жас балага корган, тас коймайды, ауырлык кылады деген сон агаштан белгi койдык. Жылда басына барып турдык. Шардарада Мулкiл ата зиратында. Кейiн Шымкентке кошип кеттiк та, екi жылдан кейiн барсам, касындагы бейiттiн устiне улкен, биiк кып куйген кiрпiштен мазар салып койыпты. Менiн кызымнын бейiтi сонын фундаментiнiн астында калды. Капа болдым. Кызым мына жерде жатыр гой деп куран багыштап кайтатын ем, таппай калдым. Мазарды салган адамга капа болдым. Мазараттагы шыракшы молда неге айтпады екен деп капа болдым. Жыладым. Колымнан баска не келедi. Мазар салды жерлеген адамын курметтеп, менiн кызымнын бейiтiн таптап. Кудайдын алдында барiмiз бiрдеймiз.

Leave a Reply

Your email address will not be published.

Орташа айырбас бағамы
24.03.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар