Атырауда толғағы қысқан келіншек құрсақтағы шаранасымен бірге перзентханада көз жұмды

32 жастағы Гүлдана Жекенова қалалық перзентханада құрсақтағы шаранасымен бірге көз жұмған, – деп хабарлайды КТК арнасы.

.эжхд

Марқұмның туыстарының сөзінше, 4-ші баласын ауылда емес, Атыраудағы білікті дәрігерлердің қолында босанамын деп келген оған дер кезінде медициналық көмек көрсетілмепті. Қайғылы оқиғадан кейін кешірім сұрап келген дәрігерлерді қара жамылған отбасы енді сотқа сүйрейміз деп отыр.

Гүлдана Жекеноваға ауылдағы дәрігер «баланың жолдасы бірінші келіп тұр» деп, қалада босануға кеңес берген екен. Құжаттарын да реттеп, шығарып салыпты. Марқұмның сіңлісі Жанырыстың айтуынша, Атырау облыстық перинаталдық орталығындағылар Гүлдананы порталға тіркелмегенсің деп, бір түнетіп шығарып жіберген. Сол күні жедел жәрдеммен қалалық перзентханаға қайта түскен ол бір тәулік қиналып, босана алмай, жан тапсырады. «Алмагүл» перзентханасындағы Райса Захарқызы, Жанар Дуетова мен Назгүл Мұхамбетжанова солар қарамай, апамды өздері қолымен өлтіріп отыр, мен соларды кінәлі деймін. Өз көзіммен көрдім, қинады біршама апамды”, – дейді марқұмның сіңлісі Жанырыс Жекенова.

Осы оқиғадан соң аты аталған дәрігерлер келіншектің артында қалған жұбайы мен 3 баласынан кешірім сұрап келіпті. Мына кадрларда олар өз кінәларын мойындауда. Ал облыстық денсаулық сақтау басқармасындағы мәлімет бойынша, қазір тексеру жұмыстары жүріп жатыр. Келіншектің өлімі жазатайым жағдайдан болған дейді ондағылар.

“100 пайыз дәрігер кінәлі деп  айта алмаймын. Бірақ жатыр жыртылған, қан кеткен. Алматыдан келген сарапшы аяқ асты болғанын айтады”, – дейді Атырау облыстық денсаулық сақтау басқармасы басшысының орынбасары Дина Камелова.

Енді жаңа жылдан кейін Астанадан, Алматыдан сарапшылар келеді. Гүлдана Жекенова көз жұмған мына перзентхана қызметкерлерінен оқиғаға қатысты қандай да бір түсінік алу мүмкін болмады. Қазір оқыс оқиғаның мән-жайын тиісті орындар тексеріп жатыр. Ал марқұмның туыстарының арызы бойынша, қалалық прокуротура бүгін сотқа дейінгі тергеуді бастады.


Оқи отырыңыз:

Мәскеу ауруханасында жатқан спортшы Расул Мырзаевтың суреті жарияланды

2016 жылы қазақстандықтарды жылатқан 6 оқиға

Алматыда жаңа жыл түні екі үйдің балконы өртенді

БҚО-да 10-сынып оқушысы қар күреп жүріп асылып қалған

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
16.11.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар