Астанада тек отандық киім үлгілері ғана сатылатын мультибрендтік дүкен ашылды

Жұма, 11 Наурыз , 2016 7:23

Салтанатты шараға бірқатар қазақстандық дизайнерлер қатысып, өз туындыларын жұртшылыққа паш етті. Бүгін елордамыздың төрінде есігін айқара ашқан су жаңа сауда орталығына Fashion Park деген атау берілді.

64062f0456721452a2fca0ce1d3d056e_L

Бұл туралы 24.kz сайты хабарлайды.

Аумағы 400 шаршы метрді құрайтын орталық еліміздегі ең алғашқы мультибрендтік дүкен болды. Бұл сауда алаңында бағасы қолжетімді және қымбат киім үлгілері жиналған. Осындай дүкеннің пайда болуына «Атамекен» Ұлттық кәсіпкерлер палатасы қолдау көрсетті.

“Біз көптеген көрмелерге бардық. Қазақстандық тауарлардың сапасы жоғары екендігіне көзіміз жетті. Сондықтан біз отандық өнімдерді сататын дүкен ашуды жөн деп көрдік. Қазір бізде әйелдер мен балалар киімдері бар. Ұсынып отырған тауарларымыз үнемі жаңартылып отырады”, – дейді дүкен иесі Жанар Сүлейменова.

Отандық киім сатылатын орталықтың ашылу салтанатына еліміздің танымал дизайнерлері қатысты. Келушілердің назарына Дильбар Әшімбаеваның жаңа жиынтығы ұсынылды. Ал Құралай Нұрқаділова кеш қонақтарына өзіндік стиль және имиджді қалыптастыру бойынша шеберлік сағатын өткізді.

“Біз көп жылдан бері осындай орталықтың ашылуын күттік. Қоғамда отандық киімдерге деген сұраныс бар. Дүкенде 40 түрлі брендтің тауарлары ұсынылған. Ал мен бүгін осында келген адамдармен киімді таңдау құпияларымен бөлісемін”, – дейді танымал дизайнер Құралай Нұрқаділова.

Айта кеткен жөн, сауда орталығы таңғы сағат 10-нан кешкі 9-ға дейін жұмыс жасайды. Ал уақыты тығыз сәнқой нәзікжандылар үшін ғаламтордағы сайт арқылы онлайн түрде тапсырыс беріп, киім алуға мүмкіндік бар. Шара ұйымдастырушылары мұндай дүкен отандық тауар өндірушілеріне қолдау көрсетіп, қазақстандық брендік өнімдердің халық арасында танылуына зор әсерін тигізеді деген сенімде.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
25.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар