Астанада полицей кәріз құдығына құлаған 4 жасар баланы құтқарды
Астаналық полицей, «Сарыарқа» ІІБ жанындағы аудандық полиция бөлімінің тергеушісі полицияның аға лейтенанты Жаннат Набиуллин кәріздік құдыққа құлап кеткен 4 жасар баланы құтқарды. Бұл туралы Астана қалалық ІІД баспасөз қызметі хабарлайды.
Сурет progorod33.ru
25 сәуірде шамамен сағат 15.40 Күмісбеков көшесімен кетіп бара жатқан тергеуші Жаннат Набиуллин көмек сұраған айқайды естіген. Сол жерге жақындап келген ол кәріздік жүйеге түсіп кеткен егде жастағы ер адам мен баланы көреді. Бұл күні атасы мен немересі көшеге серуенге шыққан. Ойнап жүрген бала ашық кәріздік құдыққа құлап түскен. Немересін құтқармақ болған атасы да құдыққа түсіп, оның ішінен шыға алмаған.
Жаннат Набиуллин құдыққа түсіп, балақайды көтеріп, оқиға орнына жеткен әріптестеріне берді. Кейін өзге полицейлермен және көшедегі адамдармен 67 жастағы ер адамды алып шықты.
Жедел жәрдем келгенге дейін полиция қызметкерлері алғашқы көмек көрсетті және оларды жақын жердегі полицияның аудандық бөліміне апарды.
Талқылау
"Киіктерді өз өмірінің құнымен қорғаған батыр": Қорықшы Ерлан Нұрғалиевтің қаруланған броконьерлерді қуамын деп қалай қаза тапты
Қайғылы оқиға 6 жыл бұрын “Охотзоопром” кәсіпорнында болған еді
"Кейбірі сәбиінен, кейбірі анасынан айырылып жатады": Қазақстандықтар перзентхана алдында дүбірлі той жасайтындарды сынады
Акушер: "Көп адамның жиналуы жаңа туған сәби мен анаға түрлі инфекция, вирус таратады"