Астана полицейлері автобустардағы кезбе ұрыларды ұстады
Астана полицейлері қоғамдық көліктерде қалта ұрлығымен айналысқан, бұрын сотталған екі ұрыны ұстады.
Астаналық ІІД деректеріне сүйенсек, баукеспелердің бірі Оңтүстік Қазақстан облысының 34 жастағы тұрғыны. Ол маршруттық автобус ішінде жолаушы әйелдің әмиянын ұрлаған. «Дәл осындай қылмыс жасағаны үшін бұрын істі болған 1981 жылы туған Жамбыл облысының тумасы ұсталды (…) Ұсталған екі ұры да Астана қ. ІІД уақытша ұстау оқшаулағышына қамалды. Олардың қалада болған өзге де ұқсас қылмыстарға қатысы бар-жоғы тексерілуде», – деп хабарлады ІІД баспасөз қызметі.
Еске сала кетсек, полицейлер әлеуметтік желіге жарияланған видео бойынша 24 жастағы Астана тұрғынының қалтасын қаққан ұрының аты-жөнін анықтаған еді. Оның ұсақ қылмыстарға қатысы бар-жоға тексеріліп жатыр. Қылмыстық құқықбұзушылықтар картасына сәйкес, Астанада жыл басынан бері 4800 тонау пен 74 ұсақ ұрлық жасалған.
Жіберіп алмаңыз:
АҚШ-тың танымал шоуында 5 жасар америкалық бала Қазақстанның туын бірден таныды (видео)
Ер адам баласын аңдимын деп әйелінің бөтен еркекпен секспен айналысқанын байқап қалды (видео)