"Астана" өз алаңында "Маккабиді" ірі есеппен жеңді (видео)

Жұма, 20 Қазан , 2017 8:13

Футболдан Еуропа лигасы топтық кезеңінің үшінші турында “Астана” өз алаңында “Маккаби Тель-Авивті” 4:0 есебімен ойсырата ұтты.

Ойынды қос команда да бақылаумен бастады. Алғашқы минуттарда ширақ шабуылдар мен қауіпті сәттер көп бола қойған жоқ. “Астана” ойыншылары соққы бағыттағанмен, қақпашының тура қолынан табылып жатты. 32 минутта “Маккаби” ойыншылары ереже бұзып, бас төреші Сергей Бойко айып соққысын белгіледі. Патрик Твумаси тепкен доп жартылай қорғаушы Дор Перецтің қолына тиді. Қонақтар қақпасына пенальти соққысы белгіленді. 11 метрлік нүктеден Патрик Твумаси мүлт кеткен жоқ. Есеп 1:0.

42 минутта Дмитрий Шомконың әуелете асырған пасына Патрик Твумаси бірінші жетіп, ойындағы екінші голын соқты.

Екінші тайм басталған тұста Джуниор Кабананга Придраг Райкович қақпасында үшінші рет допты тулатты. “Астана” командасы шабуылшысының айып алаңы сыртынан тепкен добы тура қақпа торынан табылды. Араға 5 минут сала Дмитрий Шомко бірнеше ойыншыны алдап өтіп, Кабанангаға сәтті пас берді. Шабуылшының шиіре тепкен добы қақпа торынан табылды.

Одан кейінгі аралықта “Астана” ойыншылары бірнеше рет жүйелі шабуыл ұйымдастырғанмен, қонақтар қорғаушылары бесінші голды соғуға мүмкіндік бермеді.

Үш ойын қорытындысы бойынша “Астана” 4 ұпаймен көш басына шықты. Ал “Вильярреал” (Испания) мен “Славия Прага” (Чехия) командалары 2:2 есебімен тең тарқасты.

Тағы да оқыңыз:

Олимпиада чемпионы танымал бапкерді педофил деп айыптады

Үш әйелден он бала тәрбиелеп отырған Ыбрайымов отбасын құруда жастарға өз ақылын айтты

Спорт жанашырлары әлем чемпионатының күміс жүлдегеріне көлік мінгізді

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
22.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар