Астана-Көкшетау тас жолында көлік апаты кезінде көмекке ұмтылған жолаушының өзі ажал құшты
Ақмола облыстық ІІД “Астана-Көкшетау” тас жолында орын алып, 4 бірдей адамның өмірін жалмаған аса ірі жол апатына қатысты ресми түсініктеме берді. Бұл туралы ІІД баспасөз қызметі хабарлайды.
Бүгін, 4 желтоқсан күні сағат 13:00-14:00 аралығында “Астана-Көкшетау” тас жолының 245-шақырымында жолаушылар автобусы, “Ниссан” көлігі және басқа да бірнеше көлік соқтығысып қалған.
“Жол апаты нәтижесінен “Ниссан” көлігі қатты зардап шекті. Өкінішке орай, көлік ішіндегі 3 әйел де көз жұмды. Куәгерлер жүргізуші мен 3 жасар баланы сыртқа алып шыға алған. Осы жерде көмекке ұмтылған куәгердің бірін көлік қағып кетіп, қас-қағымда әлгі адам да ажал құшты”, – деп хабарлады баспасөз қызметі.
Ал жол апатынан зардап шеккен балақай сол маңдағы ауруханаға жеткізілген. Баланың есімі Данил, анасының аты Алена екен.
Оқи отырыңыз:
Отандық радиожүргізуші Әлия Жүсіпова өмірден өтті
Алматыдағы барахолка өртке оранды
Теміртауда педофил екінші сынып оқушысының үйіне басып кіріп, оны зорламақ болған
"Баланы тұз қосылған суға шомылдыру, омырауын сығу" сынды салттар қаншалықты дұрыс – Мамандар жауап берді
