Ашынған ақжаулықты ана қаланың қақ ортасында киімін шешіп тастады

Бейсенбі, 8 Қыркүйек , 2016 21:50

Алматыда әділдік іздеп ашынған ақжаулықты ана, бүгін ерекше қарсылық акциясын өткізді. Қаланың қақ ортасында үстіндегі көйлегін шешіп тастаған кейуана, өзін мұндай қадамға жеткізген әкімдік қызметкерлері дейді.

ana

 

Бұл туралы 31 арна хабарлады.

Тұл денесіне алтын алқасын тағып, араша сұраған қорғансыз ана. Егде тартқан ақжаулықты жанның көкірегін қарс айырып, киімін шешіп тастайтындай ашуына тиген нәрсе  – ол осыған дейін көрген қиындықтар мен әділетсіздіктер. Фатима апа инсульт алып үйде жатқан отағасы мен отбасын асырау үшін мына жеміс-жидек сататын дүңгіршекті орнатқан. Әкім-қаралар ай сайын салығын төлеп тұрамын десе де саудаға рұқсат бермепті. Күнімізді көру үшін жасап отырған соңғы үмітіміздің де күл талқаны шыға ма деп күйініп отыр кейуана.

«Милициясы бар, әкімі бар ма, келді бүгін таңертең. Мен 40 жыл жолдасыммен өмір сүрген болсам, менің тәнімді тек жолдасым көрген, жалаңаш тәнімді. Менің көгірегімді он балам емген… Қазір осы жерде мыңдаған халық өтіп жатыр…» – дейді көп балалы ана Фатима Рақымбаева.

20 жыл бұрын Фатима Рақымбаева туған-туыстарының қал дегеніне қарамай, отбасымен Қазақстанға оралған. Алматыдағы ескілеу үйін сатып, “Ақкент” ықшамауданынан бөліп төлеу бойынша түріктің “Айт-Хаузинг” компаниясынан пәтер алады. Алайда айлық төлем ақысы қымбатқа түсіп, бірнеше жыл тұрып келген үйдің төлем графигін арзандатып қайта құруға келіспеген түркиялық компания сот арқылы босатуды талап етеді. Ал қала әкімі Бауыржан Байбектің атынан ешкім үйден шығарылмайды деп қанша уәде берілсе де, Фатима апаны баспанасынан қуып шыққан. Қазір пәтер жағалап жүр.

«Қазір біреудің үйіне кірдім 150 мың теңге айына төлеп. Мен енді не істеймін әрі қарай? Қалай өмір сүрем? Жолдасым инсульт, түк сезбейді. Өзім сахарный диабет, оған қосылып асқазаным ауырды. Енді не істеймін мен?» – дейді Фатима апай.

Тұрғындар көп балалы ананың жұрттан қайыр сұрамай, адал еңбек етуіне мүмкіндік берсе дейді.

«Адал еңбектерімен нан тапсам дейді. Ең болмағанда нанын тауып, киер киімін алар еді», – дейді тұрғын Қамбар Бейсенбаева.

Кейуананың Алматы қаласындағы мемлекеттік мекемелерден көңілі әбден қалған. Қаншасының табалдырығын тоздырған. Етегі жасқа толып, кемсеңдеген ана енді кімнен көмек сұрарын білмейді.

Жіберіп алмаңыз: 

Франция полициясы әйелден мұсылман стиліндегі шомылу киімін шешіп тастауын талап етті

Ресейде бірінші курс студенттері танысу кешінде тыржалаңаш болып шешінген

Өскемен тұрғыны көшеде тыржалаңаш жүруінің себебін түсіндірді

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

25
Комментариев

Leave a Reply

Your email address will not be published.

Орташа айырбас бағамы
22.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар