Арнайы операция: Тоқмәдидің тұтқындалуының артында кімдер тұр?

Сейсенбі, 13 Маусым , 2017 21:59

Тоқмәди тұтқындалғанымен, зауыты жұмысын жалғастырып жатыр. Дегенмен, шыны өндіріп отырған еліміздегі ең ірі кәсіпорынның қызметкерлері алаңдаулы. Қожайындарының қарақшы деп айыпталып жатқанын кеше аяқасты естіген олар, мұны табысы қыруар зауытқа қызыққандардың әрекеті ме деп күдіктеніп отыр. Бұл туралы КТК хабарлайды.

1378315725

Фото: damu.kz

Елге белгілі кәсіпкерді Ұлттық қауіпсіздік комитетінің арнайы жасағы кеше үйінен кісендеп әкеткен болатын. Тек талай жылдардан бері қылмыстық топқа жетекшілік етті деп айыпталған Мұратхан Тоқмәдиге қатысты әзірге нақты ақпараттар айтылмай отыр.

Күні кеше ғана қарулы жасақ толып жүрген зауытта бүгін тым-тырыс. Әдетте, сапырылысып жүретін жұмысшылары да сыртқа шығуға жүрексініп қалғандай. Тек мынадай жүк көліктері ғана оқтын-оқтын кіріп-шығуда.

Бос кірген жүк көліктері шыны тиеп алып кетіп жатыр. Жұмысшылар да түгел осында. Тек олар кешегі арнайы операциядан кейін абыржулы. Ал зауытқа қазір Мұратхан Тоқмәдидің орынбасары уақытша басшы боп отыр. Қауіпсіздік қызметінің бастығы болса, кешеден бері түс көргендей жүр. Айтуынша, шыны зауытына бұрыннан бері талай кәсіпкер қызығып жүріпті. Кешегі тұтқындауға солардың қатысы барына ол сенімді.

“Зауытқа қызығады ғой. Жұмыс істеп жатыр, ақша әкеліп жатыр. Біреуге ұнады. Алғысы келді. Алады. Бізде сол ғой Қазақстанда, кез-келген дүниені тартып алады”, – дейді «ҚазСтройСтекло» зауыты қауіпсіздік бөлімінің бастығы Серік Бөрібаев.

«ҚазСтройСтекло» компаниясының Астанадағы филиалы да жұмыс істеп тұр. Десе де, кешегі тұтқындау мұндағы саудаға кесірін тигізген екен. Тоқмадидің басқа кәсіпкерлерден ақша бопсалағанын естіген кейбір тапсырыс берушілер тауардан бас тартып, теріс айналыпты.

“Бізді бәрі қарақшы деп айтып жатыр. Әрине, мұндай ауыр сөздер жұмысқа кесірін тигізеді. Сондықтан, Мұратхан Тоқмәдидің кінәсі дәлелденбей жатып, сырт адамдар біз туралы олай айтпаса екен”, – деді «ҚазСтройСтекло» компаниясы Астана филиалының директоры Людмила Шепелева.

Ал Тоқмәдидің тұтқындалуы бойынша әзірге бірде-бір құзырлы орган жақ ашпай отыр. Дегенмен, кәсіпкер Алматыда бизнесін дөңгелетіп отырған басқа әріптестеріне қырғидай тиіскен деген мәлімет бар. Солардан ақша бопсалап, қарсылық білдіргендерін ұрып-соққан көрінеді.

Естеріңізге салсақ, белгілі кәсіпкер Мұратхан Тоқмәди Ұлттық қауіпсіздік комитеті мен Ішкі істер министрлігінің арнайы жасаға кеше тура үйінен тұтқындап әкеткен болатын. 50 жастағы бизнесмен «Депутаттық корпус» атты қылмыстық топқа жетекшілік еткен. Құрығы ұзын қылмыстық топтың сойылын соғатындар билікте де көп көрінеді.

Оқи отырыңыз:

Қазақстанда әйелдерге тыйым салынған кәсіптер тізімі қайта қаралады

Астанада жезөкше қазақ қыздары ЭКСПО-ға келген шетелдіктерге қызмет көрсетіп жүр

Ана құрсағындағы бала үшін де пітір беріле ме?

Атырау облысында төбелескен екі имам жұмыстан қуылды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев
  • Anonymous says:

    Турине карасан бандитке уксамайды Алле бандитьер казир баскаша ма?

Leave a Reply

Your email address will not be published.

Орташа айырбас бағамы
25.09.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар