Алматылықтар Данэлия Төлешованы сыйлықтың “астында” қалдырды (фото)

Алматылық жас талант Данэлия Төлешова алғаш рет фан-кездесу ұйымдастырып, жерлестерімен кездесті. Данэлия шахардағы сауда орталықтарының бірінде жанкүйерлерімен әңгіме-дүкен құрып, жағымды эмоцияға толы күн өткізгенін айтты, деп хабарлайды Stan.kz.

Фото: Экспресс-К/Татьяна Синенко

Украинада өткен “Голос.Діти” шоуында жеңіске жеткен Данэлияның танымалдылығы күн санап артып барады. Алғашқы фан-кездесудің өзінде жас дарынның талантын бағалап, оған түрлі сыйлықтарын ұсынған тыңдармандар көп болды.

Фото: Данэлияның желідегі парақшасынан

Олар Данэлияға тәттілер, түрлі ойыншықтар мен ашықхаттар жолдаған. Тіпті, кейбірі кездесуге арнайы Данэлияның суретін салып келіпті.

Фото: Данэлияның желідегі парақшасынан

“Бұл менің өмірімдегі ең жарқын сәттердің бірі. Шығармашылық жолымда қолдау көрсетіп келе жатқан кереметтей адамдармен жүздесу бақыты бұйырды. Бұл біздің алғашқы кездесуіміз. Әңгіме-дүкен құрып, ғажап эмоция алмастық. Сіздерге үлкен рақмет. Сіздердің арқалараңызда күш-қуат жинап, әрі қарай биікке талпынуға шаббытана түстім. Сыйлықтарыңызға көптен-көп рақмет. Менің шығармашылығымды бақылап, берген сұхбаттарымды көргендеріңізге қуаныштымын, оны маған сыйлаған сыйлықтарыңыздан білдім. Нағыз керегі осы еді”, – деп бөлісті Данэлия инста-парақшасында.

Фото: Данэлияның желідегі парақшасынан

Жіберіп алмаңыз:

Қазақ әнін шырқаған әйгілі Шахзода тыңдармандарды сүйсіндірді (видео)

Үнді әніне мың бұрала билеген Жанар Айжанова желіні шулатты (видео)

Төреғали 5 күндік концерті мен үйлену тойын ұйымдастырған продюсердің ақшасын бермей қойған

Желіде Жұлдыз Өмірғалидің сәбиімен түскен суреті жарияланды (фото)