Қарияның айлығы 100 мың теңгеден асады. Тіпті, қосымша табыс табуына мүмкіндік бар екен. Ғалымның қайтадан еңбекке араласуына білім министрлігінің өзі себепкер болды. Сапарбай Арыновтың өзі бұл ұсынысқа қуана келісім берген. Енді қарт ғалым осы аптадан бастап жұмысқа кіріспеді.

«Ғылыми-техникалық ақпараттармен айналысатындай тапсырма беремін деп ойлап отырмын. Осы бағытта өзінің ғылыми бағытына жақын, бізге жақын сол бойынша шолу жасайды. Ол кісі енді тәжірибелі кісі ғой, соның барлығын алып кетеді деген ойдамын. Біздегі машинадағы, басқа да интеллектуалды жүйедегі құбылыстарды, қайсысын өзі жақсы түсініп, алып кетемін десе сол бойынша бағыттап сол жақта айналысатын боламыз»,-деді Ө.Жолдасбеков атындағы «Механика және машинатану» институтының директоры, Амандық ТӨЛЕШОВ.

Танымал физиктің аянышты өмірін естіген адамдар, оған барынша қолдау білдіріп жатыр. Бір топ белсенді Сапарбай Арыновқа қаланың орталығындағы қонақүйден 1 айға дейін жалға бөлме алып берген болатын. Қазір қарияны қаладағы жоғарғы оқу орындарының бірінің жатақханасына орналастыру мәселесі шешіліп жатыр екен.

Естеріңізге сала кетсек, физика ғылымында өзіндік қолтаңбасын қалдырған Сапарбай Арынов, алматыдағы тұрақты мекені жоқтарға арналған бейімдеу орталығына 2 ай бұрын тап болған. Ақсақал онда келіні күн көрсетпегендіктен барған екен. Өз балалары өзектен тепкен физик-ғалымға көпшілік қол ұшын созуда.

Тағы оқыңыз:

Серік Ибрагимовтің экс-продюсері кандидаттық диссертация қорғамақ

Жалаң аяқ лезгинка билеген Жанар Айжанова желіні “жарды” (видео)

Мақсат Мұхитденов қызын сынағандарға тағы да жауап берді

Журналист Баянның фильмі жайында: Киемен ойнауға болмайтынын, киенің ұратынын ойлау керек еді

Өмір айнасы