Алматыда бойжеткен көпірден секірмек болған жігітті құтқарып қалды (видео)
Алматылық бойжеткен Дамира Бекмұхамедова көшеде көлігімен кетіп бара жатып көпірден секірмек болған жігітті байқап қалған.
«Мен өзге көліктерге белгі бере отырып, оны райынан қайтаруға тырыстым. Ол алға қарай ұмтылып тұрды. Мен ондай жағдайда не айту керегін де білмедім. Бір кезде шалбарынан ұстап күшім жеткенше артқа қарай тарттым. Сосын өзге жігіттер келіп, оны қолынан ұстап қалды. Ол өзін құтқармақ болған жігіттермен төбелесе кетті. Кейін жігіттер оны оны көлігіне отырғызып алып кетті», – деп жазады бойжеткен Facebook парақшасында.
Жігіт қызға өмірінің еш мәні қалмағанын айтыпты. Жігітті райынан қайтаруға тырысқан бойжеткен видеоны өзгелерге сабақ болу үшін, қандай жағдай болмасын өз өміріңе қол жұмсамау керегін түсіндіру үшін жариялағанын айтады. Өмірде барлық мәселені шешудің жолы барын ескертеді.
Жіберіп алмаңыз:
Алматыда тұрғындар тегін азық-түлік үшін шешініп тастады (видео)
Астанадағы кептеліс. Қала әкімі кептеліс үшін премьер-министрен сөз естіді