Алматыда бір жағына қарай қисайған көпқабатты үй сүрілетін болды

Жұма, 3 Маусым , 2016 17:03

Алматыдағы “Алғабас-6” ықшам ауданында орналасқан бір жағына қарай қисайған тоғыз қабатты үй сүрілуі мүмкін. Бұл туралы қала әкімінің орынбасары Сұлтанбек Мәкежанов баспасөз мәслихатында айтты.

12076234

Сурет ҚР ІІМ ТЖК

Бейсенбі күні түнде Алатау ауданында орналасқан көпқабатты үйден 208 тұрғын эвакуацияланған болатын. Эвакуация тұрғындардың бірі көпқабатты үйдің бір қапталға қарай ойыса қисайғанын байқағаннан кейін басталған. Тұрғындар үйдің жертөлесіне жаңбыр суы толып қалған дейді. Ал мәселені реттеп, себебін табу үшін арнайы комиссия құрылып, өз жұмысын бастады.

“Құрылыс жұмыстары кезінде құрылыс шарттары сақталмаған. Үй апатты жағдайда тұр. Комиссияның шешімі бойынша үй сүріліп тасталмақ”, – деді Мәкежанов. Қала әкімінің орынбасары құрылысты жүргізу кезінде іргетастың үстіне төгілген топырақ нығыздалмай, тек қиыршық тас төгіле салған деп атап өтті.

“Жауапкершілік толыққанды “Астана-Құрылыс” компаниясының мойынында. Өтемақы төлеу мәселесімен де солар айналысады”, – деді әкім орынбасары.

Мәкежановтың айтуынша, үй құрылысын жүргізу кезінде қателік жіберген және сол күйі үйді өткізген қателікке жауапты тұлғаларға қатысты шешім құқық қорғау органдары құзіретіне кірмек.

Шаһар басшысының орынбасары “Астана-Құрылыс” компаниясының басқа нысандардағы жұмыстары “қатаң бақылауға” алынғанын айтты. Әкімдік ақпаратынша 2014 жылы “Қолжетімді тұрғын үй” бағдарламасы бойынша 72 пәтерлік үй тұрғызылған.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
26.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар