Алматыда бет әрлеушілер сайысы өтті (фото)
Алматы қаласында түрлі образға енген сәнбикелер Golden Asia халықаралық чемпионат финалистерінің туындыларын таныстырды.
Фото: Татьяна Альдина
Бұл туралы express-k.kz хабарлайды.
Бет әрлеуші мамандар өздерінің шеберліктерін шыңдап, бір-бірімен жарыса түскен. Барлығы да Golden Asia байқауына көш бастаған үштіктің құрамына ену үшін келген.
Бішкек визажисі Владислав Варганкин қыздардың тәніне түрлі-түсті ою-өрнектер салып, кірпіктеріне қауырсын жабыстырған. Мұнымен қатар, бойжеткендердің тәнін ерекше нәзіктік сыйлайтын барқытпен көмкерген.
Оның жерлесі Ксения Маречек сәнбике Алина Певнованы қолшатырлар әлемінің таңғажайып ханшайымы образына енді. Ал есепші Мария Руденко алматылық Алена Етекбаеваның арқасында бөгде ғаламшар тұрғынына айналған.
Фотожурналист Ләззат Третьякова да шеберлердің туындысын таныстыруға атсалысқан.
“Мен бұл сайысқа ұзақ уақыт дайындалдым. Образды халыққа таныстырудан, оны ойлап тапқан оңай сынды. Барлығы ойдағыдай өтеді деген ниетте болдым. Алайда жеме-жемге келгенде қиын екен. Өзімнің жеңісімді сүйіктіме арнаймын. Владимирсіз мен ешнәрсеге қол жеткізе алмайтын едім. Оның маған сенгендігі соншалық үмітін ақтамасқа амалым болмады”, – дейді жеңімпаз Ләззат.
Сайысты бақылаған жұрт барлығының да бас жүлдеге лайық екенін айтады. Алайда әділ қазы алқалары бет әрлеушілердің жұмысынан кемшілік тауып, нәтижесінде бірауыздан шешім қабылдаған.