Алматыда науқастар дәрігерлердің сапасыз дәрі беретінін айтып шу шығарды

Көшірме дәріден қатер көп. Алматыда бүйрегін ауыстырған науқастар осылай дабыл қақты. Олардың айтуынша, мемлекет тарапынан тегін берілетін түпнұсқа дәрілердің орнына көшірме препараттар ұсыныла бастаған, деп хабарлайды КТК.

Ал, бірнеше жылдан бері швейцариялық түпнұсқа препартқа ағзасы үйренгендер, үндістандық көшірме дәрінің сапасына күмәнмен қарап отыр. Бүйрегін ауыстырып, тағдырдың сынынан амал қалған жандар, неге екіұдай күй кешіп жүр?

Алматылық дәрігерлерді аяғынан тік тұрғызғандар қандай талап қойып отыр?

Күтпеген қонақтар қалалық денсаулық басқармасының өкілдерін әбден састырып тастады. Бірақ, сансыз сұрақтан ешқашан жалтара аламасын білгендіктен, жауапты жандар тез арада жиналып, көпшіліктің назын тыңдауға кірісті.Дегенмен, мәселенің мәнісі әріде жатыр. Көшірме дәріден қауіптенген топтың айтуынша, трансплантация жасатқан науқастар, заңдық тұрғыдан өмір бойы бір препаратты пайдалану қажет. Алайда, «СК-формация» жариялаған тендерден соң, 9 жыл бойы қолданылып келген швейцариялық түпнұсқа дәрінің орнына үндістандық көшірме өнім сатып алынады. Сыры беймәлім өнімнің сұрынан қорыққандар, өмірімізді қатерге тіге алмаймыз дейді бірауыздан.

“Қазіргі уақытта бізде бір аптаға ғана жететін дәрі бар. Алматыда қазір 300-ден аса адам бар. Сол үшін күніміз азайып бара жатыр. Күннен күнге таяп бара жатыр. Ол дәрілер болмаса қандай дәрі ішеміз?”, – дейді «Сенім» ҚБ төрағасы Ержан Мұхамадиев.

Себебі, елімізде 3 мыңнан астам бүйрегін ауыстырған жан бар екен. Бүгін Шымкентте де наразы топ денсаулық сақтау министрлігінің бұл саясатымен келсіпейтінін айтып, базынасын жеткізді. Өйткені, алғаш шу шыққан кезде министрлік тарапы науқастармен ортақ уағдаға келіп, тек 2018 жылдан бастап азғасын ауыстырғандарға ғана жаңа үндістандық көшірме дәрі беріледі, ал бұған дейінгілер швейцариялық түпнұсқа дәрімен қамтамасыз етіледі деген болатын. Бірақ,  қазір уәделерінен тайқып кеткен көрінеді.

“Ол дәрілердің тапшылығы білініп жатыр кейінгі кездерде. Былтырда болған жылдың аяғында, жылдың басында, Шымкент тұрғыны Алға Асанов.

Дегенмен,  бет бақтырмаған «СК-Фармация» компаниясының өкілдері, екі препараттың арасында ешқандай айырмашылық жоқ, әсері бірдей деп отыр. Дәрі-дәрмектер ел аумағында тіркелгендіктен, тексеруден өтеді, алаңдайтын дәнеңе жоқ дейді. Тіпті, жақын күндері швейцариялық түпнұсқа дәріні де жеткізбек екен.

“Қазіргі уақытта бұдан бұрын бүйрек ауыстырған, яғни көптен бері түпнұсқа дәріні қабылдап келе жатқандар үшін денсаулық сақтау минисртлігіндегі жаңа бұйрықта арнайы түпнұсқа дәріні сатып алу жөнінде бөлім қарастырылған. Бұл 60-бұйрық әділет министрлігінде тіркеуде жатыр”, – дейді «СК-Фармация» компаниясының Алматыдағы өкілі Наталья Зеленская.

Бірақ, құзырлы орын өкілдері мен науқастардың пікірі әлі де екі бөлек. Бірнеше жыл бойына бір дәріге үйренген ағза, аяқ астынан өзге препараттың әсерін қабылдамайды дейді наразы топ. Сондай-ақ, олар о басынан үндістандық препарттың сапасына күмәнмен қарап, өз беттерінше сұрау салып, зерттеу жүргізіпті.

“Хетералапстың бұл препарат клиникалық тексерістен өтпеген. Мұны министрлік те,  СК-Формацияда мойындады. Үшінші елдер деп қояды ғой мысалы, бірақ біз өз мемлекетімізді үшінші елге жатқызғымыз келмейді. Бірақ, Африка елдері, дамымаған елдерде қолданылады”, – дейді тұрғын.

Бір адамның бүйрегін ауыстырғанға мемлекеттен 30 миллион теңгеге жуық қаржы бөлінеді.  Ал, науқасты бір жыл гемодиализ апаратында ұстау үшін 4 миллион теңге керек. Сонымен түпнұсқа дәріден қағылғандар, қолдарында ақпан айының  соңына  жететін препарттар қалғанын айтады. Ал, құзырлы мекеме өкілдері, наурыз айының ортасында ғана мәселені шеше аламыз деп отыр.Тек, дәтке қуаты, қалалық денсаулық сақтау басқармасы жақын күндері денсаулық сақтау министрлігімен бірлесе отырып селекторлық жиналыс өткіземіз деп сендірді. Бірақ, науқастардың  оған дейін қайтіп өмір сүреміз деген сұрағы, сол күйінде жауапсыз қалды.

Тағы оқыңыз: 

Ақтөбе облысында екі баласымен үйінен шыққан әйел жоғалып кетті

Ақтөбеде желі парақшасына ұятсыз видео салған жігітке қылмыстық іс қозғалды

Жаңа оқу жылынан бастап еліміздің мектептерінде Қазақстан географиясы оқытылмайды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
21.06.18
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар