«Алматы Тауэрстағы» өртте тірідей жанып кеткен студенттердің ата-аналары бар шындықты жайып салды

Сейсенбі, 8 Қараша , 2016 21:48

«Алматы Тауэрс» бизнес орталығындағы өрт салдарынан қаза тапқан 5 адамның студенттер екені анықталды. Олар оқыс оқиға болған кезде ғимараттан қашып шыға алмай қалған. Өйткені сыртынан құлыптап кетіпті. Алапат өртте тірідей жанып кеткен студенттердің төртеуі – Оңтүстік Қазақстан облысының тумалары. Тағы бірі Алматы облысынан, – деп хабарлайды КТК арнасы.

епкка

Бүгін олардың денелері туған жерлеріне жіберілді. Айта кетейік, жексенбі күні кешке болған өрттен 54 жастағы дәнекерлеуші де қаза тапқан.

Алапат өрт өмірін жалмаған студенттердің денесі бүгін Алматыдағы сот-медициналық сараптамасы орталығынан шығарылып, туған жерлеріне жіберілді. Олардың ата-аналары мен туыстары түннен бері көз ілмей осында жүр. Ал марқұмдар білім алған оқу орындарында студенттердің суреттері қойылған. Қыршын кеткен Еламан Айдаралиев пен Нұрлыбек Сартаев – әл-Фараби атындағы Қазақ ұлттық университеті физика-техникалық факультетінің 3-курс студенттері екен. Туыстарының айтуынша, олар жұмыс істеп жатқан бөлме сыртынан құлыпталып, балалар қамалып қалған.

“Қараусыз қалған ғой. Есікті жапқан. Оттың ортасында қалған. Шығатын жер жоқ. Күйіп өлген”, – деп хабарлайды марқұм Айдаралиевтың нағашысы Санат Малдыбеков.

Азапты өліммен көз жұмған бесеуінің бірі – Асфендияров атындағы Қазақ ұлттық медицина университетінің 2-курс студенті Исмайлжон Исраилов. Жиырмадан енді асқанбозбала тіс дәрігері болуды армандаған екен. Өткен жексенбіде ол «Алматы Тауэрс» ғимаратындағы қабырғаға пластик материалдар қағып беріп, ақша табу үшін барған. Әкесінің айтуынша, жұмыс берушілер кінәні балалардың өздеріне жаппақшы.

“Кері қарай заттарын алып кету үшін барған дейді. Өз өмірі үшін қорыққан адам алтын берсе де, ондай жерге қайтып бармайды ғой. Олар қашып шыққысы келген. Бірақ есік жабық болған. Оларды ешкім бақыламаған”, – деп хабарлайды марқұм Исраиловтың әкесі Есралы Исраилов.

Қаныш Сәтбаев атындағы Қазақ ұлттық техникалық зерттеу университетінің 2 және 4-курс студенттері Екубжон Тохтамышов пен Абылай Зұлпыбеков те сол қыршын қиылғандардың қатарында. Барлық жоғары оқу орындары марқұм студенттерге құрмет білдіріп, универститет қабырғасында қаралы хабарды жариялап қойған. Сондай-ақ, студенттік ұйымдар да олардың туыстарына қолдан келгенше көмектерін беріп жатыр. Тек жанға бататыны, балаларды жалдаған компания басшылары көңіл айтудың орнына қоқан-лоққы көрсетіп жүр екен.

“Компанияның басшыларынан бір адам келмеді. Көңіл айтудың орнына дікеңдеп жүр. Сұрауы жоқ адамдар емес”, – дейді марқұм Айдаралиевтың нағашысы Санат Малдыбеков.

Қаза тапқан студенттер 20-22 жас аралығында екен. Барлығын да ұстаздары тек жақсы қырынан сипаттап берді. Ал өрттің өзі неден тұтанғаны әлі анықталған жоқ. Айта кетейік, осы өрт салдарынан 54 жастағы дәнекерлеуші де қаза тапқан еді. Сөйтіп, Алматының қақ ортасында жексенбі күні болған өрт 6 адамның өмірін жалмады.


Жіберіп алмаңыз:

Павлодар облысында сәбиге қойылған Бату-Хан есімі үлкен дау тудырды

Астанада 25 мыңыншы болып туған сәбиге сый жасалды

Қазақстан мектептеріндегі ата-аналар ақша төлемеуі тиіс алты нәрсе

Мұхамедиұлы Жаманқұловтың президентке арнаған үндеуіне қатысты жауап берді (видео)

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

10
Комментариев

Пікір қалдыру


Нұржамал
29 күні 23 сағат кері

Қанша еңбекқор жастар бар. Отбасына көмектесу үшін, оқу ақысын төлеу үшін, үйінен ақша сұрамау үшін қосымша жұмыс істеп жүрген қанша студенттер бар. Бұндай олқылықтар ғимарат ішінде болғандықтан қауіпсіздік ережелерінің дұрыс сақталмауынан орын алған шығар деген ойдамын. Әрине, ешкім әдейі істемейді. Тек өкінішті. Балалардың жап-жас өмірі қор болып, азапты өліммен қайтыс болды. Бұл оқиғаны енді жұмыр басты пенденің басына бермесін! Алла әр істің қайырын берсін! Жандары жаннатта болсын!

Айбарша
29 күні 23 сағат кері

Өрт пен су тілсіз жау. Оларды тізгіндеу оңай емес. Бұл апат та қанша жас өмірді қыршыннан қиды. Өте аянышты оқиға. Бұлай жұмыс жасап, нан тауып жүрген жастар қаншама. Оларға Алланың көзі түзу болсын!

Мансия
29 күні 23 сағат кері

Тұмар

Манат
29 күні 23 сағат кері

Қазір студенттер сабақ пен қоса жұмыс істеп ақша тапқанды қалайды. Әрине, ақшасы бар болса жұмыс істеп қиналмас еді. Жастар қаражатқа деген тәуелділік пен мәжбүрліктен қосымша жұмыс көзін іздейді. Алла бәле мен жаладан, айтып келмейтін ажалдан сақтасын оларды! Қаза тапқан студенттерде осылай еңбек етіп жүріп, қыршыннан қиылып отыр. Жандары жаннаттың төрінен орын алсын!

Райхан
1 ай 4 минут кері

Жұмыс беруші тарап қандай жағдай болмасын ата-аналарға моральдық, материалдық көмек бергені дұрыс. Өйткені, біздер қазақпыз. адамгершілікті алдыңғы орынға қоямыз. Ол тарап кінәлі болсын, болмасын санасып жатудың қажеті жоқ. Қазір кім не деседе қайтыс болғандарды қайтара алмайды. Ата-анасына демеу болғаны дұрыс. Алла оларға сабыр мен шыдам берсін!

Айман
1 ай 19 минут кері

Өте өкінішті жағдай. Жандары жәннатта болсын! Ақша табу үшін күн-түн демей жұмыс жасап жүрген қанша студент жастар бар. Алла оларға жар болсын! Енді бұл жағдай қайталанбасын!

Фарида
1 ай 25 минут кері

Ажал айтып келмейді. Талқаны таусылған деген осы шығар. Барлығымыздың түбі барар жеріміз бір. Тек, жас өмірдің қыршын қиылғаны ата-анасы мен бауырларын қинайды. Алла оларға сабыр берсін! Қаза тапқандардың иманы жолдас болсын деп тілеймін!

Гүлжанат
1 ай 34 минут кері

Қандай жағдай болмасын ғимараттардағы қауіпсіздік ережелеріне барынша абай болу керек. Көп жағдайда қауіпсіздік ережелерінің сақталмауының арты апатты жағдайларға ұласып жатады. Өрттің неден шыққанын анықтар, бірақ, жас балалардың келместің кемесіне мініп кеткені жанға батады. Өте өкінішті. Жандары жәннатта болсын!

Айгүл
1 ай 44 минут кері

Жап-жас балалар қыршыннан қиылыпты. Иманды болсын! Алла қабірлерін нұрға бөлесін! Ата-аналары мен отбасына қиын, қайғысына ортақпын.

Анонимно
1 ай 1 бір сағат кері

Жумыскан жалдаган компания жауап беру керек.Жаным ашиды оримдей жас балалар кыршын кетти гой.Туган туыстарына кайгырып конил айтамын.Жазаларын алсын жауапты адамдар…

wpDiscuz
Орташа айырбас бағамы
09.12.16
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар