Алматы полициясы 16 көлікті ұрлаған адамдарды ұстады
Алматы полициясы көлік ұрлаумен айналысқан қылмыстық топты әшкереледі. Бұл туралы қалалық ІІД баспасөз қызметі хабарлады.
42 және 25 жастағы Талдықорған тұрғындары дабылмен қамтылмаған ескі көліктерді олжалап келген.
«Талдықорғаннан түнделетіп жетіп, күзетсіз тұрақтағы ескірек көліктерді ашып бірден Талдықорғанға тартып отырған. Жеткен соң көлікті құжатсыз заңсыз, сенімді адамдарына арзан бағаға сатып ақша тапқаны белгілі болды», – деді қалалық ІІД криминалды полиция басқармасының басшысы Жанболат Зиадин.
Қазіргі таңда олардың «Мазда», «Ауди», «Тойота Камри», «Мицубиси» маркалі 16 көлікті «барымталағаны» анықталды.
Күдіктілер 2 қаңтарда ұсталған. Қазір олардың тағы қанша қылмысқа қатысы бары анықталып жатыр.
Тәртіп сақшылары жүргізушілерге көлігін көрінген жерде қалдырмай, дабыл жүйесімен қамтуды ескертеді.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық