Алматы облысында ұстаздар мектепті базарға айналдырған директордың қызметтен кетуін талап етті

Бейсенбі, 21 Қыркүйек , 2017 22:21

Маскүнем директор, дипломсыз ұстаздар! Осылай деп ашынған Алматы облысы Байғазы ауылының тұрғындары мектепті базарға айналдырған басшыны қызметінен қуа алмай жүр. Айтуларынша, жаңа директор келген екі жылда 15 мұғалім жұмыстан кеткен. Білім деңгейі төмендеп, мектеп аудан бойынша ең соңғы орынға түсіпті, – деп хабарлайды КТК арнасы.

Сурет: 1news.az

Ал, осының бәрін қалыпқа келтіруі тиіс басшы дипломы жоқ адамдарды жұмысқа алып, көшеде балалардың көзінше ішімдік ішуден арыға бара алмай жатқан көрінеді. Бұл былықтан облыстық білім басқармасы да хабардар. Бірақ, олар ескерту жасаумен ғана шектеледі екен. Жаңа оқу жылы басталғалы Алматы облысындағы Байғазы ауылының тұрғындарынан маза кеткен. Оларды ашындыратын мектептегі жағдай. Ата-аналар дипломсыз ұстаздардың балаларына сабақ беруіне наразы. Мектеп директоры жоғары білімі жоқ бірнеше адамды жұмысқа алып, оқушылардың санасын улауға жол берген.

“Дипломы жоқ колледждің анықтамасымен  мына жерге мұғалімдерді алып алған. Балаларда білім жоқ. Білім деген нөл. Аудан бойынша ең соңғы орында тұрған біздің мектеп. Мұғалім дұрыс болмаса білім қайдан болады”, – дейді Байғазы ауылының тұрғыны Мұсабай Мұстафаев.

Осыдан үш жыл бұрын ғана пайдануға берілген су жаңа мектепте 120 бала оқиды. Білім деңгейі бойынша көш соңында қалып кеткен бұл мекеменің тәрбие жұмыстарына да ата-аналардың көңілі толмай отыр. Дипломсыз ұстаздарды айтпағанда директордың өзі оқушыларға қол көтереді дейді олар. 15 жастағы ұлын ұрғаны үшін Бақытжан Тұяқов мектеп басшысы Нұрдаулет Омаровты сотқа да беріпті.

“Линейкада былай басынан ұрған ғой. Сонда құлап қалған. Үйге келсем жатыр. Басым ауырып жатыр дейді. Үлкен ұлымды жібердім мектепке не болғанын біліп кел деп.  Сөйтсем директор ұрған дейді. Полицияға бердім. Прокуратураға жіберді. Жабылып қалды ғой әйтеуір”, – дейді Байғазы ауылының тұрғыны Бақытжан Тұяқов.

Байғазылықтар білім ордасын базарға айналдырған басшының жұмыстан кетуін талап етіп отыр. Олар директор оқушылардың көзінше ішімдік ішіп, көшеде жүруден де тайынбайды дейді. Тіпті көктемде мас күйінде рөлге отырып, адам қаққан екен. Бірақ бұл жолы да іс сотқа жетпей жабылған. Олқылықтың барын дирактордың өзі де мойындап отыр.

“Мен осында бастық болғалы 2 жыл. Екі жылда 15 мұғалім ауысты. Себебі жас мамандар сырттан келеді да жағдай жоқ деп кетеді. Үйленіп кетеді.  Солардың орнын толтыру үшін осы ауылдан сырттай оқып жатқан 3-4 мұғалімді алдым.  Соның ішінде сырттай пед колледже, сырттай университетте оқып жатқандар бар. Бірақ қолдарында нақты дипломдары жоқ”, – дейді Байғазы орта мектебінің директоры Нұрдәулет Омаров.

Ата-аналардың шағымынан кейін дипломсыз екі мұғалім жұмыстан қуылды. Ал үш студент сабақ беруді жалғастыра бермек. Аудандық білім бөлімі директорды да орнында қалдырыпты. Бірақ бұл шешіммен байғазылықтар келіспейді. Олар енді облыстық білім басқармасы мен министрлікке арызданбақ.


Жіберіп алмаңыз:

Алматыда пәтерін заңсыз жалға бергендер баспанасынан айрылуы мүмкін

Қытай түрмесінде отырған Семей тұрғыны бостандыққа шықты

Қарағандыдағы мектептердің бірінде 4-ші сынып оқушылары сабаққа барудан жапппай бас тартып жатыр

Елімізге танымал жазушылар латын әліпбиінің нұсқасына қарсы шықты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
25.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар