Алматы облысында апатқа ұшыраған автобус жолаушылары оқиғаның қалай болғанын айтып берді

Дүйсенбі, 4 Желтоқсан , 2017 17:16

Оңтүстік Қазақстан облысынан Алматыға келе жатқан автобус Ұзынағаш маңында апатқа ұшырады. Іштегі 43 жолаушының екеуі сол жерде мерт болып, тағы бір адам ауруханада жан тапсырған, деп хабарлайды КТК.

Ал, жарақат алған 28-і Жамбыл ауданындағы дәрігерлердің бақылауында. Оқиғаның мəн жайын бізбен тікелей байланысқа шыққан əріптесім Асқарбек Қазанғаптан сұрайық. Автобус апатқа қалай ұшыраған?

Апат шамамен таңғы сағат 7:15 те болған. Көктайғақта тежегішті басқан жүргізуші рөлге ие бола алмай 3 метр биіктіктен бір қырымен аударылып түсіпті. Соққының қатты болғаны соншалық, автобустың қаңқасы майысып сау тамтығы қалмаған. Жарақат алғандардың қаны тіпті терезелерге дейін шашырап кеткен.Автобус жүргізушісі сағатына 40-45 шақырым жылдамдықпен келе жатқанын айтады. Алдын кескен жеңіл көлік кенеттен тежегіш басқандықтан, тайғанақта автобус сырғанап жолдан шығып кеткен екен. Қабырғасын ауыртқан жүргізуші ауруының батқанына қарамай оқиға орнында жүр.

Жолаушылар автобус аударылғанда шырт ұйқыда жатқан екен. Соққыдан ешкім де қарманып үлгермеген. Есеңгіреп, енді естерін жиған жолаушылар автобустағы қол жүктерін алып кетіп жатыр. Таңда болған апатты құдды қорқынышты түстей естеріне алады.

Екі адамның өмірі сол жерде үзілген. Жедел жəрдем жарақат алған 28 жолаушыны Жамбыл аудандық ауруханасына жеткізіліпті. Жағдайы ауыр жолаушының бірі сол жерде жан тапсырды. 5 адам бас жарақатын алып, 16 амбулаторлық емге көшірілген. Дəрігерлердің айтуынша, өміріне қауіп төніп тұрған науқас жоқ.

Аударылған автобус аумағы, тайғанаған жерді қазір құзырлы органдар зерттеп жатыр. Үш адамның өмірін жалмаған апатқа кімнің кінəлі екенін əзірге кесіп айту қиын.

Тағы да оқыңыз:

ШҚО-да полицейдің жұбайы балаларын өлтіріп, соңынан өзіне қол салған

Елбасы «Қазақстанның 100 жаңа есімі»  жобасының жеңімпазына басшылық қызмет ұсынды

Елімізге танымал әншіні жат ағымға кіріп кеткені үшін әкесі байлап ұстап отыр

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
13.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар